قانات تايمەردەنوۆتىڭ سوزىنشە, ب ۇلىككە قاتىسۋشىلار قالا كوشەلەرىندە بەي-بەرەكەت وق جاۋدىرىپ, كەزدەيسوق ءوتىپ بارا جاتقان ادامداردى, دۇكەن ساتۋشىلارى مەن كولىگىن بەرۋدەن باستارتقان جۇرگىزۋشىلەردى ولتىرگەن.
«وسىنداي ارەكەتپەن 6 قاڭتار كۇنى رەجيسسەر ساكەن بيتاەۆ ءولتىرىلدى. سول كۇنى كەشكى ساعات 21.30 شاماسىندا الماتى قالاسى اكىمدىگى جانىندا اكىم ب. ساعىنتاەۆتىڭ كارتەجىنە دە وق جاۋدىرىلدى. قاستاندىق سالدارىنان «الماتى» تەلەارناسىنىڭ قىزمەتكەرى قازا تاۋىپ, تاعى ءۇش ادام, ونىڭ ىشىندە اكىمدىكتىڭ ەكى قىزمەتكەرى جارالاندى», دەدى ول.
سونداي-اق, ول سودىرلاردىڭ ارەكەتتەرى الدىن الا ۇيىمداستىرىلعانىن, الاڭ ماڭىنداعى 493 بەينەكامەرانى ىستەن شىعارعانىن ايتتى.
