وقيعا • 15 قاڭتار، 2022

اتىراۋ وبلىسىندا ەلەكتر باعانى كولىكتىڭ ۇستىنە قۇلادى

81 رەت كورسەتىلدى

اتىراۋ وبلىسىندا قاتتى جەل شاتىردى ۇشىرىپ، ەلەكتر باعانىن كولىكتىڭ ۇستىنە قۇلاتتى، دەپ حابارلايدى Egemen.kz.

وبلىستىق توتەنشە جاعدايلار دەپارتامەنتى كەشە ءوڭىر تۇرعىندارىنا 15 قاڭتاردا وڭتۇستىك-باتىستان سوعاتىن جەل ەكپىنى 23-28 م/سەكۋندىنا جەتەتىنىن ەسكەرتكەن ەدى.

«بۇگىن، 15 قاڭتاردا قاتتى جەل يندەر اۋدانىنىڭ ورتالىعى – يندەربور كەنتىندە شاتىرلاردى ۇشىرىپ اكەتتى. بۇل تۋرالى بۇگىن ديسپەتچەرلىك پۋلتكە ساعات 14:32-دە حابار ءتۇستى. كەنتتەگى د.قوناەۆ كوشەسىندە ورنالاسقان مەكتەپ پەن 5 قاباتتى تۇرعىن ءۇيدىڭ شاتىرى ءب ۇلىندى. وقيعا ورنىنا جەتكەن قۇتقارۋشىلار م.اۋەزوۆ اتىنداعى ورتا مەكتەپتىڭ ەكى قاباتتى عيماراتىندا 828 ال، تۇرعىن ۇيدە 974 شارشى مەتر شاتىردىڭ اۋماعى ب ۇلىنگەنى انىقتىلدى. جەل ۇشىرعان شاتىر ەلەكتر باعاناسىن «تويوتا-كامري 70» ماركالى اۆتوكولىكتىڭ ۇستىنە قۇلاتتى»، دەپ حابارلادى دەپارتامەنتتىڭ ءباسپاسوز قىزمەتى.

وقيعا ورنىنا جەدەل-قۇتقارۋ جاساعى مەن جەرگىلىكتى اتقارۋشى ورگاننىڭ 12 قىزمەتكەرى مەن 3 تەحنيكاسى جۇمىلدىرىلدى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار