قارجى • 14 قاڭتار، 2022

قازاقستاندىقتارعا 50 مىڭ تەڭگەدەن سۋبسيديا بەرىلەتىنى راس پا؟

1781 رەت كورسەتىلدى

What‘sApp مەسسەندجەرىندە قازاقستاندىقتارعا قارجى مينيسترلىگىنەن بەلگىلى ءبىر «مەملەكەتتىك سۋبسيديا» تولەۋ تۋرالى حابارلاما تاراتىلۋدا. بۇل فەيك، دەپ حابارلايدى Egemen.kz stopfake.kz-كە سىلتەمە جاساپ.


حابارلامادا ۇسىنىلعان قر قارجى مينيسترلىگىنىڭ سىلتەمەسى ءىس جۇزىندە بوگدە رەسۋرسقا اپاراتىنى كورىنىپ تۇر.

مينيسترلىكتىڭ رەسمي پورتالىندا مەملەكەتتىك سۋبسيديالار تولەۋ تۋرالى حابارلاندىرۋ جوق.

مۇنداي تولەمدەر تۋرالى باق-تا دا، باسقا رەسمي رەسۋرستاردا دا حابارلانعان جوق.

«بۇل اقپارات شىندىققا سايكەس كەلمەيدى»، دەپ حابارلادى قارجى مينيسترلىگىنىڭ ءباسپاسوز قىزمەتى.

سونىمەن قاتار اقپاراتتى فەيك ەكەنىن «سۋبسيديانى» الۋ ادىسىنەن-اق بايقاۋعا بولادى. حابارلاما اۆتورلارى تولەمدەر تۋرالى اقپاراتتى What‘sApp-تا 20 ادامعا نەمەسە بەس توپقا جىبەرۋدى ۇسىنادى. قازاقستان رەسپۋبليكاسىندا الەۋمەتتىك تولەمدەر بۇلاي تاعايىندالمايدى.

سوڭعى جاڭالىقتار

ۇقساس جاڭالىقتار