بۇگىن دەپارتامەنت باسشىسى بەرگەن بەسپالينوۆ اقمولا وبلىسى بويىنشا مامانداندىرىلعان حقكو-عا جانە «ازاماتتارعا ارنالعان ۇكىمەت «مەملەكەتتىك كورپوراتسياسى» كە اق اقمولا وبلىسى بويىنشا فيليالىنىڭ كوكشەتاۋ قالاسىنداعى № 2 حقكو-نىڭ بولىمىنە باردى.
ساپار بارىسىندا مامانداندىرىلعان حقكو-داعى اۆتودرومنىڭ جۇمىسىنا, سونداي-اق مۇمكىندىگى شەكتەۋلى ادامدار ءۇشىن مەملەكەتتىك قىزمەتتەردىڭ قولجەتىمدىلىگىنە نازار اۋدارىلدى. سونىمەن قاتار ب.بەسپالينوۆ حقكو فرونت-كەڭسەلەرى ديزاينىنىڭ جاڭا فورماتىمەن تانىستى. كەيىننەن قىزمەتتەردى ىڭعايلى الۋ ءۇشىن حقكو-نىڭ جۇمىس ءپرينتسيپىن وزگەرتۋ جوسپارلانۋدا. ب.بەسپالينوۆتىڭ ايتۋىنشا, پاندەميا دا, توتەنشە جاعداي رەجيمى دە مەملەكەتتىك قىزمەت كورسەتۋ ساپاسىنا اسەر ەتپەۋى ءتيىس.
بۇگىنگى كۇنى «جۇرگىزۋشى كۋالىكتەرىن بەرۋ» جانە «كولىك قۇرالىنىڭ سايكەستەندىرۋ ءنومىرى بويىنشا كولىك قۇرالدارىنىڭ جەكەلەگەن تۇرلەرىن مەملەكەتتىك تىركەۋ, ەسەپكە الۋ جانە ەسەپتەن شىعارۋ, سونداي-اق كولىك قۇرالدارىن تىركەۋ تۋرالى كۋالىكتەر مەن مەملەكەتتىك تىركەۋ ءنومىرى بەلگىلەرىن بەرۋ» سياقتى مەملەكەتتىك كورسەتىلەتىن قىزمەتتەردى الۋ ەgov ارقىلى ونلاين فورماتتا, سونداي-اق «Kaspi.kz» جانە «Homebank» ءموبيلدى قوسىمشالارى ارقىلى ءبىرشاما ىڭعايلى بولعانىن اتاپ وتكەن ءجون.
