ءوڭىردىڭ سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ارمان كۇشباسوۆ ماسەلەنىڭ مانىسىنە توقتالدى. ول كەلتىرگەن دەرەكتەرگە زەر سالساق, وڭىردە ۆيرۋستىق ينفەكتسيانى جۇقتىرعاندار سانى كوبەيگەن. ەپيدەميولوگيالىق ماۋسىم باستالعالى وبلىستا جرۆي جۇقتىرعان 17 814 ادام انىقتالعان. بىلتىر وسى كەزەڭدە 13 221 جاعدايى تىركەلگەن ەكەن. ياعني بيىل اۋىرعاندار سانى 34 %-عا ارتقان.
«وتكەن اپتادا جرۆي جۇقتىرۋدىڭ 800-گە جۋىق جاعدايى انىقتالدى. ونىڭ جارتىسىنان استامى 14 جاسقا دەيىنگى بالالاردىڭ ۇلەسىندە. سونداي-اق بيىل تۇماۋمەن اۋىرعاندار سانى ارتتى. بىلتىر قاۋىپتى ۆيرۋستىڭ ءبىر دە ءبىر جاعدايى تىركەلمەسە, بيىل 29 ادام دارىگەرلەردىڭ كومەگىنە قايىرىلعان. سىرقاتتاردىڭ 60 %-ى – بالالار», دەيدى ارمان كۇشباسوۆ.
