قازاقستان تەننيس فەدەراتسياسى ءمالىم ەتكەندەي, ا.دانيلينا برازيليالىق بەاتريس حادداد مايامەن بىرگە جارىستىڭ ءۇشىنشى راكەتكالارىن جەڭىپ, كۇتپەگەن ناتيجەگە قول جەتكىزدى.
قازاقستاندىق-برازيليالىق جۇپ 1 ساعات 5 مينۋتقا سوزىلعان باسەكەدە كانادالىق گابريەلا دابروۆسكي – مەكسيكالىق دجۋليانا ولموستى 6:4, 6:2 ەسەبىمەن ۇتتى. اننا مەن بەاتريس جارتىلاي فينالعا شىعۋ ءۇشىن رەسەيلىكتەر ەكاتەرينا الەكساندروۆا – ناتەلا دزالاميدزەمەن تالاسادى.
ەرلەر اراسىنداعى وسى جارىستا اندرەي گولۋبەۆ پەن حورۆاتيالىق فرانكو سكۋگور كورت يەلەرى, اۋستراليالىقتار مەتت ريد – الەكسەي پوپىرينگە 3:6, 1:6 ەسەبىمەن ەسە جىبەردى.
تاعى ءبىر قازاقستاندىق الەكساندر نەدوۆەسوۆ پاكستاندىق ايسام كۋرەشيمەن بىرگە بۇگىن جارتىلاي فينالعا شىعۋ ءۇشىن اۋستراليالىق دجون پيرس – سلوۆاكيالىق فيليپ پولاشەكپەن شەبەرلىك بايقاسادى.
