«مەملەكەت باسشىسىنىڭ پارلامەنت ءماجىلىسىنىڭ وتىرىسىندا بەرگەن تاپسىرمالارىن ىسكە اسىرۋ ماقساتىندا مينيسترلىك الەۋمەتتىك كودەكس جوباسىن ازىرلەۋدە, ونى 2022 جىلعى جەلتوقساندا پارلامەنت ءماجىلىسىنىڭ قاراۋىنا ەنگىزۋ جوسپارلانىپ وتىر. الەۋمەتتىك كودەكس اياسىندا ازاماتتاردىڭ الەۋمەتتىك قۇقىقتارى مەن مىندەتتەرىن بەكىتۋ, مەملەكەت پەن جۇمىس بەرۋشىلەردىڭ الەۋمەتتىك سالاداعى مىندەتتەرى مەن جاۋاپكەرشىلىگىن ناقتىلاۋ جوسپارلانۋدا», دەدى سەرىك شاپكەنوۆ ۇكىمەت وتىرىسىندا.
ونىڭ ايتۋىنشا, كودەكس حالىقتىڭ مەملەكەت جۇرگىزىپ وتىرعان ءادىل الەۋمەتتىك ساياساتىن تۇسىنۋگە سەپتىگىن تيگىزىپ, ازاماتتارىمىزدىڭ ءومىر ءسۇرۋ دەڭگەيىن ساپالى ارتتىرادى.
«حالىقتىڭ تابىسىن ارتتىرۋ باعدارلاماسى بويىنشا كەلەسى شارالار كوزدەلەتىن بولادى: حالىقتىڭ پروبلەمالىق توپتارىن, NEET جاستارىن ەرتە انىقتاۋ جۇيەسىن جەكە قولداۋ شارالارىن اتاۋلى كورسەتۋ ءۇشىن ەنگىزۋ», دەپ تولىقتىردى مينيستر.
ۆەدومستۆونىڭ ءباسپاسوز قىزمەتى اتاپ وتكەندەي, كومەك ماماندىق تاڭداۋدا, وقىتۋ مەن جۇمىسقا ورنالاسۋدا كورسەتىلەتىن بولادى. اقپاراتتىق جۇيەلەردىڭ كومەگىمەن ىسكە اسىرىلىپ جاتقان ۇلتتىق جوبالار شەڭبەرىندە جۇمىس ورىندارىن قۇرۋدى جانە جۇمىسقا ورنالاستىرۋدى باقىلاۋدى قامتاماسىز ەتۋ جوسپارلانۋدا. جۇمىسقا ورنالاسۋدا جاستارعا, اسىرەسە NEET ساناتىنا باسىمدىق بەرىلەتىن بولادى.
