وزبەكستان رەسپۋبليكاسىنىڭ پرەمەر-ءمينيسترى ا. اريپوۆ ءا. سمايىلوۆتى قازاقستان رەسپۋبليكاسىنىڭ پرەمەر-ءمينيسترى لاۋازىمىنا تاعايىندالۋىمەن قۇتتىقتادى.
تاراپتار ستراتەگيالىق ارىپتەستىكتى ەكىجاقتى جانە كوپجاقتى فورماتتا ودان ءارى نىعايتۋعا دايىن ەكەندىكتەرىن ءبىلدىردى.
«قازاقستان ۇكىمەتى باۋىرلاس وزبەكستان رەسپۋبليكاسىمەن ستراتەگيالىق سەرىكتەستىكتى تەرەڭدەتۋ باعىتىن بەرىك ۇستانادى. ءبىز بۇعان دەيىن قول جەتكىزىلگەن ۋاعدالاستىقتاردى ىسكە اسىرۋعا بارىنشا دايىنبىز. ىنتىماقتاستىقتىڭ ەكىجاقتى كۇن ءتارتىبىنىڭ اياسىندا بەلگىلەنگەن جوسپارلار بىرلەسكەن كۇش-جىگەرىمىزدىڭ ارقاسىندا ىسكە اسىرىلاتىنىنا سەنىمدىمىن», دەدى ءا. سمايىلوۆ.
وزبەكستان - قازاقستاننىڭ ءىرى ساۋدا سەرىكتەستەرىنىڭ ءبىرى. ورتالىق ازياداعى بارلىق وڭىرلىك ساۋدانىڭ 70%-عا جۋىعى قر مەن ءور-عا تيەسىلى. 2021 جىلدىڭ 10 ايىندا ەكىجاقتى ساۋدا كولەمى 3,26 ملرد دوللاردى قۇرادى, بۇل 2020 جىلدىڭ سايكەس كەزەڭىندەگى كورسەتكىشتەن 30%-عا جوعارى. 2021 جىلدىڭ قورىتىندىسى بويىنشا وزبەكستان قازاقستاننىڭ ەڭ ءىرى 5 ساۋدا سەرىكتەسىنىڭ قاتارىنا كىرە الادى.
