اكىم قىزمەتتىك بورىشىن اتقارۋ ۇستىندە كورسەتكەن باتىلدىعى مەن مەملەكەت مۇددەسىن قورعاۋ بارىسىندا جاساعان ەرلىكتەرى ءۇشىن العىس ايتىپ, سىن ساعاتتا ەشبىرى شەت قالماي, ەل تاۋەلسىزدىگى ءۇشىن بىرلەسە جۇمىس جاساعانىن اتاپ ءوتتى. سونىمەن بىرگە تەز ساۋىعىپ وتباسىلارىنا ورالۋىن تىلەدى.
سوڭعى مالىمەتتەر بويىنشا نارازىلىق كەزىندە جالپى 120 ادام مەديتسينالىق كومەككە جۇگىنگەن بولسا, ونىڭ 48-ءى اۋرۋحانادا ەم الۋدا. ناۋقاستاردىڭ 5-ەۋى جان ساقتاۋ بولىمىندە جاتىر.
جاراقات الىپ, مەديتسينالىق كومەككە جۇگىنگەن ازاماتتاردىڭ 48-ءى ءتارتىپ ساقشىلارى. قازىرگى ۋاقىتتا اۋرۋحانادا جاتقان ەكى قۇقىق قورعاۋ ورگانىنىڭ قىزمەتكەرلەرىنىڭ جاعدايى ءبىر قالىپتى.
ەسكە سالا كەتسەك, كوتەرىلىسكە بايلانىستى ەلىمىز بويىنشا توتەنشە جاعداي رەجيمى ەنگىزىلدى. كومەندانتتىق ساعات ءتارتىبىنىڭ ورىندالۋىن پوليتسيا, سونداي-اق ارنايى ءموبيلدى توپتار قاداعالاۋدا. قالادا احۋال تۇراقتى, جاعداي قۇزىرلى ورگانداردىڭ باقىلاۋىنا الىنعان. قازىرگى ۋاقىتتا دەنساۋلىق ساقتاۋ نىساندارى, بالاباقشالار, ازىق-ت ۇلىك ساتاتىن نۇكتەلەر شتاتتىق رەجيمدە جۇمىس ىستەپ تۇر.
