قازاقستان • 10 قاڭتار، 2022

پرەزيدەنتىمىزدىڭ اينالاسىنا توپتاسۋىمىز قاجەت - م.اشىمباەۆ

84 رەت كورسەتىلدى

پارلامەنت سەناتىنىڭ توراعاسى ماۋلەن اشىمباەۆ ەلىمىزدەگى ازا تۇتۋ كۇنىنە بايلانىستى فەيسبۋكتەگى پاراعىنا حابارلاما جاريالادى، دەپ حابارلايدى Egemen.kz.

«قۇرمەتتى دوستار!

سوڭعى كۇندەرى ەلىمىزدىڭ بىرقاتار وڭىرىندە بولعان قايعىلى وقيعالار سالدارىنان ءبىراز ازاماتىمىزدان ايرىلىپ قالدىق. سوعان بايلانىستى پرەزيدەنتىمىز قاسىم-جومارت كەمەل ۇلى توقاەۆ 10 قاڭتاردى جالپىۇلتتىق ازا تۇتۋ كۇنى دەپ جاريالادى.

پارلامەنت سەناتىنىڭ جانە جەكە ءوزىمنىڭ اتىمنان قازا تاپقانداردىڭ تۋعان-تۋىستارىنا قايعىلارىڭىزعا ورتاقتاسىپ، كوڭىل ايتامىن. زارداپ شەككەن ازاماتتاردىڭ تەز ارادا ساۋىعىپ كەتۋىنە تىلەكتەسپىز.

مەملەكەت باسشىسىنىڭ باتىل ءارى ۋاقتىلى شەشىمدەرى قازاقستاننىڭ بەيبىت جانە قالىپتى ومىرگە تەز ورالۋىنا مۇمكىندىك بەرەدى.

وسىنداي كۇردەلى كەزەڭدە ءبىز پرەزيدەنتىمىزدىڭ اينالاسىنا توپتاسۋىمىز قاجەت. بۇل - جاعدايدى تۇراقتاندىرۋ، ەكونوميكانى قالپىنا كەلتىرۋ جۇمىستارىن جالعاستىرۋ جانە بارلىق سالادا جاڭا رەفورمالاردى ىسكە اسىرۋ ءۇشىن ماڭىزدى قادام»، دەپ جازدى سەنات توراعاسى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار