ەڭبەكاقى مولشەرى وسۋدە

وتكەن اقپان ايىندا ءتول تەڭ­گەمىزدىڭ اقش دوللارى­نا شاق­قانداعى باعامىنا جاسال­عان تۇزەتۋلەر ەلباسى اتاپ كورسەت­كەن­دەي ماكروەكونوميكالىق جانە الەۋمەتتىك تۇراقتىلىقتى ساقتاۋعا باعىتتالعان. سونىمەن بىرگە, بۇل قادام ەلىمىزگە قۇيىلاتىن ينۆەستيتسيالىق قاراجاتتاردىڭ كولەمى ارتۋىنا, جۇمىسپەن قامتۋ ىسىنە قاتىستى ماسەلەلەردىڭ وڭ شە­شىمىن تابۋىنا سەپتىگىن تيگىز­بەك. سونىڭ ناتيجەسىندە رەسپۋب­ليكا ازاماتتارىنىڭ ءال-اۋقاتىن كوتەرۋگە العىشارتتار قالانباق. وسى ارادا باق-تاردا دۇركىن-دۇركىن ايتىلىپ, جازىلىپ, كور­سە­تىلىپ قالىپ جۇرگەن بيزنەستىڭ الەۋ­مەتتىك جاۋاپكەرشىلىگىنىڭ ءباسى دە بيىكتەي تۇسەدى. قىسقاسى, قازىر­گى تاڭدا بيزنەس قاۋىمداستىعى وكىل­دەرىنىڭ الدىندا تۇرعان الەۋمەتتىك جاۋاپكەرشىلىك وتە جوعارى. مۇنى تەرەڭ ءتۇيسىنۋ وتاندىق بيزنەس وكىلدەرىنىڭ مارتەبەسى مەن ابىروي-بەدەلىن ودان ءارى اسقاقتاتارى انىق. بۇگىنگى كۇنى بيزنەستىك باعىت­تى ۇستانعان بىرقاتار باتىس­قازاق­ستاندىق ءىرى كاسىپورىن باس­شى­لارى وسىنداي مەرەيلى ءمىن­دەت­تىڭ ۇدەسىنەن شىعىپ وتىر­عانى ريزاشىلىق سەزىمىن تۋعىز­باي قويمايدى. ولار ۇلتتىق ۆاليۋتا باعامىنا قاتىستى مەملەكەت باسشىسى نۇرسۇلتان نازارباەۆ بەلگىلەپ بەرگەن مىندەتتەر مەن تالاپتاردى تەرەڭ تۇسىنىستىكپەن قابىلدادى. كاسىپ­ورىن جەتەكشىلەرى تاراپىنان ەڭبەكاقىنى ۇستىمىزدەگى جىلدىڭ 1 ناۋرىزىنان باستاپ ون پايىزعا ءوسىرۋ جونىندە شەشىم الىنۋى وسى پىكىرىمىزدىڭ دالەلى. اتاپ ايتقاندا, ورال قالا­سىن­داعى مۇنداي مەرەيلى كاسىپ­ورىنداردىڭ قاتارىندا «زەنيت» ورال زاۋىتى اق-پەن «يۋنيسەرۆ», «ورال مەحانيكالىق زاۋىتى» جانە «كۆانت» جاۋاپكەرشىلىگى شەكتەۋلى سەرىكتەستىكتەرى بار. سونى­مەن بىرگە ورال وڭىرىندەگى «ومە­گا» پريبور قۇرۋ زاۋىتى اق جانە «كازترۋبپروم» مەن «جايىق مۇناي» جشس سەكىلدى ىرگەلى كاسىپورىندار دا 2014 جىل­دىڭ 1 ساۋىرىنەن باستاپ ءوز جۇمىس­شى قىزمەتكەرلەرىنىڭ جالا­قىسىن ءوسىرۋ جونىندە شەشىم قابىل­داعاندارىن مالىمدەدى. ءسويتىپ, بيىلعى جىلدىڭ العاشقى ايلارىندا ايماقتاعى بيزنەس سالاسىندا ىستەپ جۇرگەن ءۇش مىڭعا جۋىق ادامنىڭ ايلىعى وسىرىلمەك. وسى ورايدا باتىس قازاقستان وبلىسىنىڭ اكىمى نۇرلان نوعاەۆ گازەت تىلشىسىنە ءوز وي-پىكىرىن بىلايشا جەتكىزدى. – مۇنىڭ ءبارى بۇگىنگى كۇن­نىڭ قاجەتتىلىگى. ارينە, الداعى ۋا­قىتتا الەۋمەتتىك ماڭىزى بار تاۋارلار مەن كوممۋنالدىق تولەم­دەردىڭ باعاسى رەتسىز ءارى ءجونسىز كوتەرىلمەۋى ءۇشىن ءبىز بارلىق تۇت­قا­­لاردى قولداناتىن بولامىز. الايدا, بۇكىل ءىستىڭ شەشىمىن تەك وسىمەن شەكتەي سالۋعا بولمايدى. بۇل ماسەلەنىڭ تەك ءبىر قىرى عانا. ونىڭ ەكىنشى جاعى بۇدان دا گورى ماڭىزدى دەپ سانايمىن. ونى تەك بيزنەس-قاۋىمداستىعى وكىلدەرى عانا وڭ شەشە الادى. بۇل ەڭبەك ونىمدىلىگىن كوتەرۋ ءۇشىن ادامداردى ماتەريالدىق جاعىنان ىنتالاندىرۋ دەگەن ءسوز. بەلسەندى ازاماتتىق جانە باسشىلىق ۇستانىم­نىڭ قا­جەت جەرى دە وسى. ەل-جۇرت الدىن­داعى الەۋمەتتىك جاۋاپ­كەرشى­لىك­تى تەك وسىنداي ءتاسىل­دەر­مەن كوتەرۋ­گە بولادى. ءيا, قازىر تۇ­تاستاي وبلىس بويىنشا العان­دا تۇ­راقتى ەكونوميكالىق ءوسىم مەن دي­ناميكالىق دامۋ قارقى­نى باي­قالىپ وتىر. وسى فاكتور كاسىپ­ورىن قىزمەتكەرلەرىنىڭ ەڭ­بەك­اقى­لارىن وسىرۋگە نەگىز بولا الادى. ءوڭىر­دە وزگە دە بيزنەس-قۇرى­لىم­دار ءوز ۇجىمدارىنىڭ تابى­سىن ارتتىرۋعا مۇددەلى دەپ سەنەمىن. تەمىر قۇسايىن, «ەگەمەن قازاقستان». باتىس قازاقستان وبلىسى.