«الماتىنىڭ اۋداندارىنداعى شەرۋشىلەردىڭ بىرنەشە توپتارى پاترۋلدىك پوليتسيا وكىلدەرىنە شابۋىل ۇيىمداستىرعان. تارتىپسىزدىككە قاتىسقاندار 7 بىردەي قارۋ-جاراق دۇكەنىن باسىپ الىپ, قارۋ-جاراق پەن وق-دارىلەردى يەلەنىپ العان. ول از بولعانداي, قوعامدىق كولىكتى, كوممۋنالدىق تەحنيكانى باسىپ العان. قىزمەتتىك اۆتوكولىكتەردى, سونىڭ ىشىندە ءورت ءسوندىرۋ ماشينالارىن ورتەگەن», دەيدى ءمينيستردىڭ مىندەتىن اتقارۋشى.
ءمينيستردىڭ مىندەتىن اتقارۋشى زارداپ شەككەندەرگە مەديتسينالىق كومەك كورسەتۋ ءۇشىن كەلگەن جەدەل جاردەم كولىكتەرىنە كەدەرگى جاسالعانىن مالىمدەدى.
ونىڭ سوزىنە سەنسەك, قالاداعى اۋەجايدى باسىپ الۋعا 800 ادام قاتىسقان.
«800-گە جۋىق ادام حالىقارالىق اۋەجايدى باسىپ الدى. سالدارىنان ۇشۋعا ءتيىس 60 رەيس پەن ۇشىپ كەلۋگە ءتيىس 56 رەيس توقتاتىلدى. بۇل الماتى قالاسىندا جولاۋشىلار ءۇشىن ۇلكەن پروبلەمالار تۋىنداتتى. اۋەجاي عيماراتىنداعى بارلىق ساۋدا دۇڭگىرشەكتەرى مەن دۇكەندەر, كاسسالار تونالدى», دەدى ءمينيستردىڭ مىندەتىن اتقارۋشى.
