ەلورداعا كىرىپ-شىعاتىن جولدار ۋاقىتشا جابىلدى. قالا اۋماعىنا التى بلوكپوست قويىلعان. ولار قاراعاندى, قوسشى, كوكشەتاۋ, پاۆلودار, قورعالجىن جانە استراحان باعىتتارى بويىنشا شاھارعا كىرەبەرىستە تۇر.
باس قالادا كەشكى 23.00-دەن تاڭعى ساعات 7.00-گە دەيىن كومەندانتتىق ساعات ەنگىزىلگەن. شەكتەۋ شارالارى قوعامدىق ءتارتىپ پەن ادامداردىڭ قاۋىپسىزدىگىن قامتاماسىز ەتۋگە باعىتتالعان. جالپى, شاھارداعى احۋال ءتارتىپ ساقشىلارىنىڭ تولىق باقىلاۋىندا.
«وسى ۋاقىتتا تۇرعىندار مەن كولىكتىڭ جۇرۋىنە بولمايدى. تەك قالانىڭ تىنىس-تىرشىلىگىن قامتاماسىز ەتەتىن مەكەمەلەردىڭ قىزمەتكەرلەرى مەن كولىگى ارنايى رۇقساتپەن جۇرە الادى. جالپى, ەلوردا تۇرعىندارىنا ايتارىم – قوعامدىق ورىندارعا بارماۋعا تىرىسىڭىزدار, مۇمكىندىگىنشە ۇيدە وتىرىڭىزدار, بالالاردى كوزدەن تاسا ەتپەڭىزدەر», دەيدى نۇر-سۇلتاننىڭ باس كومەندانتى, قالالىق پوليتسيا دەپارتامەنتىنىڭ باستىعى ەرجان سادەنوۆ.
