بۇگىن تاڭعى ساعات 7:00-دە قاسىم-جومارت توقاەۆ اقوردا رەزيدەنتسياسىندا پرەزيدەنت اكىمشىلىگىنىڭ, قاۋىپسىزدىك كەڭەسىنىڭ جانە كۇشتىك قۇرىلىمدار باسشىلارىنىڭ قاتىسۋىمەن كەڭەس وتكىزدى.
جيىن بارىسىندا ەلىمىزدەگى قازىرگى احۋال, سونداي-اق لاڭكەستىككە قارسى ءىس-قيمىلداردىڭ بارىسى مەن وڭىرلەردەگى جاعداي قاراستىرىلدى.
– انتيتەررور وپەراتسياسى باستالدى. كۇشتىك قۇرىلىمدار قاۋىرت جۇمىس اتقارىپ جاتىر. نەگىزىنەن بۇكىل وڭىردە كونستيتۋتسيالىق ءتارتىپ قالپىنا كەلتىرىلدى. جەرگىلىكتى ورگاندار جاعدايدى باقىلاۋدا ۇستاپ وتىر. الايدا لاڭكەستەر قارۋ قولدانىپ, ازماتتاردىڭ جەكە مۇلكىنە زالال كەلتىرۋدە. سوندىقتان لاڭكەستىككە قارسى ءىس-قيمىلدار سودىرلاردى تولىق جويعانشا جالعاسا بەرەدى, – قاسىم-جومارت توقاەۆ.
قۇرىلىمدىق كۇشتەر باسشىلارىنىڭ حابارلاۋىنشا, جالپى ءتارتىپتى رەتتەۋگە اتسالىسۋ ءۇشىن قازاقستانعا ۇقشۇ-نىڭ بىرىككەن بىتىمگەرلىك اسكەري كۇشتەرى كەلە باستادى. ولار ستراتەگيالىق نىسانداردىڭ قورعالۋىن قامتاماسىز ەتۋ ءۇشىن بەلگىلى ءبىر شەكتەۋلى مەرزىمگە عانا كەلدى.
جيىندا ىشكى ىستەر, قورعانىس مينيسترلەرىنىڭ مىندەتىن اتقارۋشى تۇلعالار جانە ۇلتتىق قاۋىپسىزدىك كوميتەتىنىڭ توراعاسى ەسەپ بەردى.
مەملەكەت باسشىسى ەلىمىزدەگى جاعدايدى ودان ءارى تۇراقتاندىرۋ جونىندە بىرقاتار نۇسقاۋ بەردى.
