«قىتاي مەن قازاقستان – تاتۋ كورشىلەر جانە ماڭگى جان-جاقتى ستراتەگيالىق سەرىكتەستەر. ديپلوماتيالىق بايلانىستار ورناعان 30 جىل ىشىندە ەكى ەل اراسىنداعى قارىم-قاتىناستار نىعايا ءتۇستى. ءوزارا سەنىمگە نەگىزدەلگەن ىنتىماقتاستىق ۇزدىكسىز تەرەڭدەپ كەلەدى. سونىمەن قاتار ء«بىر بەلدەۋ, ءبىر جول» باستاماسىن بىرلەسىپ جۇزەگە اسىرۋ بارىسىندا ەلەۋلى جەتىستىكتەرگە قول جەتكىزىلدى. قىتاي تاراپى قازاقستاننىڭ دامۋ جولىن دايەكتى تۇردە قولدايدى جانە الداعى ۋاقىتتا زور تابىستارعا جەتۋىنە, حالىقارالىق ارەنادا جانە ايماقتىق ماسەلەلەردە ۇلكەن ءرول اتقارا بەرۋىنە شىن جۇرەكتەن تىلەكتەستىگىن بىلدىرەدى», دەلىنگەن قۇتتىقتاۋ جەدەلحاتتا.
قىتاي حالىق رەسپۋبليكاسىنىڭ توراعاسى سي تسزينپين قىتاي مەن قازاقستان اراسىنداعى قارىم-قاتىناستاردىڭ دامۋىنا ەرەكشە ءمان بەرەتىنىن, ديپلوماتيالىق بايلانىستاردىڭ 30 جىلدىق مەرەيتويى اياسىندا پرەزيدەنت قاسىم-جومارت توقاەۆپەن بىرگە ءوزارا ءداستۇرلى دوستىقتى نىعايتۋعا, ماڭگى جان-جاقتى ستراتەگيالىق ارىپتەستىك قاتىناستاردى ەكى ەل حالىقتارىنىڭ يگىلىگى ءۇشىن جاڭا دەڭگەيگە كوتەرۋگە دايىن ەكەنىن جەتكىزدى.
