اسقار جۇماعاليەۆ بايلانىس جانە اقپارات اگەنتتىگىنىڭ توراعاسى بولىپ تاعايىندالدى

ۇكىمەت قاۋلىسىمەن اسقار قۋانىش ۇلى جۇماعاليەۆ بايلانىس جانە اقپارات اگەنتتىگىنىڭ توراعاسى بولىپ تاعايىندالدى. بۇل تۋرالى Egemen.kz ءتىلشىسى حابارلادى. ا. ق. جۇماعاليەۆ 1972 جىلى تۋعان. سۋۆوروۆ ۋچيليششەسىن, حاركوۆ راكەتا اسكەرلەرىنىڭ جوعارى كوماندالىق – ينجەنەرلىك ۋچيليششەسىن,ق. ساتپاەۆ اتىنداعى قازاق ۇلتتىق تەحنيكالىق ۋنيۆەرسيتەتىن جانە قازاق گۋمانيتارلىق زاڭ ۋنيۆەرسيتەتىن تامامداعان. كولىك جانە كوممۋنيكاتسيا مينيسترلىگىندە بايلانىس سالاسىنداعى مەملەكەتتىك قاداعالاۋ باسقارماسىنىڭ باستىعى, بايلانىس جانە اقپاراتتاندىرۋ كوميتەتىنىڭ توراعاسى بولدى. سونىمەن بىرگە, اقپاراتتاندىرۋ جانە بايلانىس اگەنتتىگى قۇرىلعان ساتتە توراعا ورىنباسارى, ودان كەيىن توراعا مىندەتتەرىن اتقاردى. 2005 جىلدىڭ مامىرىنان باستاپ, اقپاراتتاندىرۋ جانە بايلانىس اگەنتتىگى توراعاسىنىڭ ءبىرىنشى ورىنباسارى بولدى. ال 2006 جىلى  اقپاراتتاندىرۋ جانە بايلانىس اگەنتتىگىنىڭ توراعاسى لاۋازىمىنا تاعايىندالدى.2006 -2010 جىلدار ارالىعىندا «قازاقتەلەكوم» اق باسقارما توراعاسى بولىپ قىزمەت اتقارعان. مەملەكەت باسشىسىنىڭ جارلىعىمەن 2010 جىلى بايلانىس جانە اقپارات ءمينيسترى جانە 2012 جىلى كولىك جانە كوممۋنيكاتسيا ءمينيسترى بولىپ تاعايىندالدى. «قازاقستان كونستيتۋتسياسىنا 10 جىل»  مەدالىمەن ماراپاتتالعان جانە وعان 2005 جىلى «قۇرمەتتى بايلانىسشى» اتاعى بەرىلدى. سونداي-اق,  «يۋ.ا.گاگارين اتىنداعى التىن مەدال»  مەن «قۇرمەت» وردەنىنىڭ يەگەرى. ءامىرحان الماعانبەتوۆ. دەرەككوز: Egemen.kz. فوتو: Primeminister.kz.