زاۋىتتاعى ەلوۋ-اۆت-3, CCR, كۋ گبد مەن Parisom قوندىرعىسىنىڭ جۇمىسى جوسپارلى تۇردە 9 كۇنگە توقتاتىلادى
«بۇل قوندىرعىلاردىڭ جۇمىسى جوسپارلى الدىن الۋ جۇمىستارى كەستەسىنە ساي, بىلتىرعى جىلدىڭ قىركۇيەك ايىندا توقتاتىلۋى ءتيىس ەدى. الايدا, قازاقستان رەسپۋبليكاسىنىڭ ىشكى نارىعىن ستراتەگيالىق مۇناي ونىمدەرىمەن, اتاپ ايتقاندا, ديزەل جانە اۆتوموبيل وتىنىمەن قامتاماسىز ەتۋ قاجەتتىلىگىن نازارعا الىنىپ, ەنەرگەتيكا مينيسترلىگىمەن, «قازمۇنايگاز» ۇك» اق-مەن الدىن الا كەلىسىلگەن جوسپارلى-الدىن الۋ جۇمىستارىن 2021 جىلعى قىركۇيەكتەن 2022 جىلعى قاڭتارعا اۋىستىرۋ تۋرالى شەشىم قابىلداندى. بيىلعى قاڭتاردا ء«اموز» جشس-ءنىڭ ءتورت تەحنولوگيالىق قوندىرعىسىندا ونەركاسىپتىك قاۋىپسىزدىك نورمالارىن ساقتاۋ شەڭبەرىندە ستاتيسكالىق جابدىقتى دياگنوستيكالاۋ, ينسپەكتسيالاۋ جانە ديناميكالىق جابدىقتىڭ جۇمىسىن تەكسەرۋ, سونداي-اق 3 تەحنولوگيالىق قوندىرعىداعى كاتاليزاتورلاردى اۋىستىرۋ كوزدەلگەن», دەپ حابارلادى كاسىپورىننىڭ ءباسپاسوز قزىمەتى.
وسى كەزەڭدە بارلىق جوسپارلانعان ءىس-شارانى ىسكە اسىرۋ ءۇشىن «قازتۋربورەمونت» بك» جشس-ءنىڭ اتىراۋ فيليالى, «نەفتەسترويسەرۆيس», «IQS Engineering», «Gold Sunray», «ينترا», «رمۋ-شىمكەنت», «تەحنوكونترول», «ينجپرومكومپاني», «ورگنەفتەحيم», «Buchen Industrial Service», «Catalyst Service», «AVC», «ەuroslot», «Axens» جانە «UOP» سەرىكتەس كومپانيالاردى تارتۋ جوسپارلانىپ وتىر.
ال, 4 تەحنولوگيالىق قوندىرعىدا جوسپارلى-الدىن الۋ جۇمىستارى كەزىندە قالعان وندىرىستەر بەكىتىلگەن وندىرىستىك جوسپارعا سايكەس ءونىمدى شىعارۋ, جونەلتۋ شتاتتىق رەجيمدە جۇمىس ىستەۋدى جالعاستىراتىن بولادى.
