ۇلتتىق اكادەميالىق كىتاپحاناسى فويەسىندە «ۇستازدىڭ ۇلى كەلبەتى – ىبىراي» اتتى كوركەمسۋرەت كورمەسىندە جاس سۋرەتشىلەردىڭ ى.ءالتىنساريننىڭ 180 جىلدىعىنا ارنالعان ۇزدىك جۇمىستارى كەلۋشىلەر نازارىنا ۇسىنىلدى.
شارانىڭ بەتاشارىندا سازگەر قانات ەدرەسوۆتىڭ «ۇستازداردىڭ ۇستازى – ىبىراي اتا» اتتى ءانىن نۇر-سۇلتان قالاسىنىڭ №2 ونەر مەكتەبىنىڭ «اينالايىن» بالالار حورى ورىنداسا, «ۇستازدىڭ ۇلى كەلبەتى – ىبىراي» اتتى وقۋىشىلار اراسىندا وتكەن جىر ءمۇشايراسىنىڭ جۇلدەگەرلەرى, №30 مەكتەپ-گيمنازياسىنىڭ وقۋشىسى قونىسباي نۇراسىل, №27 مەكتەپ-ليتسەيىنىڭ وقۋشىسى ليشيتسكايا سوفيا, №49 ورتا مەكتەبىنىڭ وقۋشىسى سارتاي رامازان, №83 مەكتەپ-گيمنازياسىنىڭ وقۋشىسى ەرعالي ەرنۇر «ىبىراي» اتالارىنا ارناعان ولەڭدەرىن وقىدى.
كونفەرەنتسيانىڭ ماقساتى – ءبىلىم بەرۋ سالاسىنىڭ دامۋىندا ى. ءالتىنساريننىڭ ءومىرى مەن ءىس-ارەكەتى ارقىلى ونىڭ ويشىل-فيلوسوفيالىق كوزقاراسىن ناسيحاتتاۋ. ديالوگ الاڭىنا ەلىمىزگە بەلگىلى ىبىرايتانۋشىلار, عالىمدار, ىبىراي ءالتىنساريننىڭ تۋىستارى, ەلوردالىق ۇزدىك پەداگوگتەرى شاقىرىلدى.
كونفەرەنتسيانى قازاق ۇلتتىق ونەر ۋنيۆەرسيتەتى مۋزىكالىق ءبىلىم كافەدراسىنىڭ وقىتۋشىسى, پەداگوگيكا عىلىمدارىنىڭ ماگيسترى, PhD دوكتورانت كوجەباەۆ دارحان ەرجان ۇلى جۇرگىزىپ وتىردى.
العاشقى بولىپ زۋم ارقىلى ءسوز سويلەپ پىكىر بىلدىرگەن ى. التىنسارين اتىنداعى ۇلتتىق ءبىلىم اكادەمياسىنىڭ ورتا ءبىلىم ينستيتۋتى ديرەكتورىنىڭ ورىنباسارى دۇيسەبەك ءادىلحان تورەبەك ۇلى اكامەديا پرەزيدەنتى بەيسەمباەۆ عاني بەكتاي ۇلىنىڭ قۇتتىقتاۋىن جەتكىزسە, ءبىلىم بەرۋدى جاڭعىرتۋ ورتالىعىنىڭ باسشىسى مادەەۆ سابىرجان مارات ۇلى ۇلى ۇستازدىڭ ارتىندا قالدىرعان مۇرالارىنىڭ ۋاقىت تالابىنا ءالى دە جاۋاپ بەرىپ, كەلە جاتقاندىعىن, ىبىراي مۇراسى سارقىلماس قازىنا ومىرلىك ازىق ەكەندىگىنە, ىبىراي شىعارمالارىن ناسيحاتتاۋعا ارنالىپ وتكىزىلگەن شارالارعا توقتالدى. جامبىل وبلىسى, شۋ قالاسىندا تۇراتىن ىبىراي ءالتىنساريننىڭ شوبەرەسى امانكەلدينوۆا جۇماكۇل ايدابەكقىزى شۋاقتى شارانى ۇيىمداستىرۋشىلارعا العىس ايتىپ, قاتىسۋشىلارعا ساتتىلىك تىلەپ, بەينەقۇتتىقتاۋ جولدادى.
كونفەرەنتسيانىڭ نەگىزىگى بولىگىندە احمەت بايتۇرسىن ۇلى اتىنداعى قوستاناي قالاسى ايماقتىق ۋنيۆەرسيتەتىنىڭ پروفەسسورى, اقىن, جازۋشى, دراماتۋرگ, ماحمۇت قاشقاري اتىنداعى «تۇركى الەمىنە سىڭىرگەن ەڭبەگى ءۇشىن» حالىقارالىق سىيلىعىنىڭ لاۋرەاتى شاياحمەت اقىلبەك قوجا ۇلى «التىنسارين جانە يمان, قازاقستان رەسپۋبليكاسىنىڭ ۇلتتىق عىلىم اكادەمياسىنىڭ اكادەميگى ل. ن. گۋميلەۆ اتىنداعى ەۋرازيالىق ۇلتتىق ۋنيۆەرسيتەتىنىڭ پرورەكتورى, فيلولوگيا عىلىمدارىنىڭ دوكتورى, پروفەسسور ديحان قامزابەك ۇلى «ى. التىنسارين تۇلعاسى: تاعدىر سىنى جانە رۋحاني زەردە», قازاقستان رەسپۋبليكاسى ءبىلىم جانە عىلىم مينيسترلىگى, عىلىم كوميتەتىنىڭ «مەملەكەت تاريحى ينستيتۋتىنىڭ» «دەرەكتانۋ, تاريحناما جانە وتاندىق تاريح» ءبولىمىنىڭ عىلىمي قىزمەتكەرى, «ى.التىنسارين», «قر عىلىمىن دامىتقانى ءۇشىن», «قر ءبىلىم بەرۋ ءىسىنىڭ ۇزدىگى» توسبەلگىلەرىنىڭ يەگەرى, پەداگوگيكا عىلىمدارىنىڭ كانديداتى, پروفەسسور دۇيسەن سەيىتقالي جاقيا ۇلى «ى. التىنسارين مۇراسى تاريحشى عالىمدار ەڭبەكتەرىندە», ى. التىنسارين اتىنداعى ۇلتتىق ءبىلىم اكادەمياسىنىڭ «ادىستەمەلىك قىزمەتتى ۇيلەستىرۋ جانە پەداگوگتى كاسىبي دامىتۋ» ورتالىعىنىڭ باسشىسى جۋمانوۆا سارا سەيتقىزى «ى. التىنسارين مۇرالارى: جاڭا كوزقاراس», نۇر-سۇلتان قالاسى قوعامدىق كەلىسىمى كورەي مادەنيەت ورتالىعىنىڭ كوركەمدىك جەتەكشىسى حامزينا ءلاززات بولاتقىزى, «قوستاناي وبلىسى تورعاي اۋىلى ى.التىنسارين اتىنداعى مەكتەبىنىڭ تاريحى» جايىندا تۇششىمدى باياندامالار جاساپ, تىڭ ويلارىن ورتاعا سالدى.
سونداي-اق قازاقستان رەسپۋبليكاسى ۇلتتىق اكادەميالىق كىتاپحاناسى باسشىسىنىڭ اقپاراتتىق رەسۋرستار بويىنشا ورىنباسارى, «100 جاڭا ەسىم» اتاعىنىڭ يەگەرى جولدىبالينوۆ نۇرجان نۇرلان ۇلى قازاق دالاسىندا تۇڭعىش كىتاپحانانىڭ نەگىزىن قالاعان ىبىراي التىنسارين تۋرالى تىڭ ويلارىن ورتاعا سالسا, وسى شاراعا ۇيىتقى بولعان اقىن, كومپوزيتور, جۋرناليست, «قۇرمەت» وردەنىنىڭ, ىبىراي التىنسارين, قر ء«بىلىم بەرۋ ۇزدىگى» توسبەلگىسىنىڭ يەگەرى سۇلەيمەنوۆ وسپان سۇلەيمەن ۇلى ەلىمىزدىڭ ءبىلىم بەرۋ سالاسىن دامىتۋعا ۇلەس قوسقان ەلوردالىق ى. التىنسارين توسبەلگىسىن يەلەنگەن ۇستازداردىڭ ءومىربايانى, شىعارماشىلىق جولىنا ارنالعان ءبىلىم بەرۋدى جاڭعىرتۋ ورتالىعى قۇراستىرعان «ۇستازعا تاعزىم 2» كىتابىن تانىستىرىپ, اتالعان جيناقتاردىڭ ەلەكتروندىق نۇسقاسىن قولجەتىمدى ەتكەن ۇلتتىق كىتاپحانا جانە ءبىلىم بەرۋدى جاڭعىرتۋ ورتالىعى باسشىلىعىنا العىسىن ءبىلدىردى.
نۇر-سۇلتان قالاسى جوعارى ساۋدا-ەكونوميكالىق كوللەدجىنىڭ ديرەكتورى كۋجيموۆ مىرزابەك تورەبەك ۇلى ىبىراي ءالتىنساريننىڭ قازاق جاستارىن كاسىپتىك بىلىمگە ۇيرەتۋدەگى ەڭبەكتەرىنىڭ قىر-سىرىنا توقتالىپ تىڭ دەرەكتەردى ورتاعا سالدى.
ۇلت ۇستازى ى. التىنسارين قازاق پەداگوگيكاسىنىڭ ىرگەتاسىن قالاعان بىرەگەي تۇلعا. اعارتۋشىنىڭ اسىل مۇراسىن زەرتتەۋ جانە ونىڭ يدەيالارىن قازىرگى ءبىلىم بەرۋ جۇيەسىندە جۇزەگە اسىرۋ بارشامىزدىڭ پارىزىمىز.
شارا سوڭىڭدا №1 بالالار مۋزىكا مەكتەبىنىڭ «قىزدار-اي» ءداستۇرلى انشىلەر ءانسامبلى (جەتەكشىسى جۇماعاليقىزى سامال), №78 مەكتەپ-گيمنازيا وقۋشىلارى حورمەن «دانا ۇستاز – ىبىراي» ءانىن (اۆتورى, كومپوزيتور, حور جەتەكشىسى كيكيموۆ داۋلەتكەرەي ءابىلحات ۇلى), №1 بالالار مۋزىكا مەكەبىنىڭ «ارۋ» بي ءانسامبلى (جەتەكشىسى سەكەربەك باگدينا مەيرامقىزى) «پاراسات» ءبيىن, №2 ونەر مەكتەبىنىڭ ۇستازداردان قۇرالعان «سىرلى ساز» فولكلورلىق ءانسامبلى (جەتەكشىسى نۇرحان ايجارىقوۆ) قايىرعالي ابىشەۆتىڭ كۇيى «ىبىرايدىڭ جەلدىرمەسىن» تامىلجىتا ورىنداپ, ەل ىقىلاسىنا بولەندى.
جالپى كونفەرەنتسياعا رەسپۋبليكامىزدىڭ ءبىلىم بەرۋ جۇيەسىنىڭ باسشىلارى مەن ماماندارى, نۇر-سۇلتان قالاسى اكىمدىگىنىڭ جانە قوعامدىق ۇيىمداردىڭ, جوعارى وقۋ ورىندارىنىڭ, عىلىمي ورتالىقتاردىڭ, باق وكىلدەرى, ى التىنسارين توسبەلگىسىنىڭ يەگەرلەرى, ءبىلىم بەرۋ ۇيىمدارىنىڭ پەداگوگتەرى قاتىستى.
اۋقىمدى شارا ۇلت ۇستازى ىبىراي مۇراسىن زەردەلەۋدە تىڭ ناتيجەلەرگە, جاڭا ىزدەنىستەرگە جول اشتى.
ج. ەرگەشباەۆ, ە. نۇرشەكوۆ,
نۇر-سۇلتان قالاسى, ءبىلىم بەرۋدى جاڭعىرتۋ ورتالىعى.
