وسىلايشا, سوتتالعانداردىڭ جازانى وتەۋ ءتارتىبىن بۇزۋىنىڭ الدىن الۋ جانە جولىن كەسۋ, مەكەمە اكىمشىلىگى تاراپىنان ازاپتاۋلارعا جانە وزگە دە قۇقىققا قايشى ارەكەتتەرگە جول بەرمەۋ ءۇشىن دارەتحانالاردى, جۋىناتىن جانە سەبەزگى بولمەلەرىن, مونشالاردى جانە ۇزاق كەزدەسۋ بولمەلەرىنىڭ جاتىن ءۇي-جايلارىن قوسپاعاندا, قاج مەكەمەلەرىنە بەينەكامەرالار ورناتىلادى.
بۇل رەتتە سوتتالعانداردى سىرتقى دەنە تەكسەرۋى جۇزەگە اسىرىلاتىن ءۇي-جايلار ەكراندارمەن جابدىقتالادى.
ايەلدەردى ۇستاۋعا ارنالعان مەكەمەلەر مەن ءۇي-جايلاردا وپەراتورلار ايەل قىزمەتكەرلەردى تاعايىندايدى.
بەينە مۇراعاتىنىڭ ساقتالۋ مەرزىمى كەمىندە 60 تاۋلىكتى قۇرايدى.
جازبالاردىڭ كوشىرمەلەرىن بەرۋ قىلمىستىق-اتقارۋ جۇيەسىنىڭ جوعارى تۇرعان ورگاندارىنىڭ, قىلمىستىق قۋدالاۋ ورگاندارىنىڭ, سوتتىڭ, پروكۋراتۋرانىڭ, سونداي-اق ادۆوكاتتاردىڭ جانە جابىرلەنۋشىلەر وكىلدەرىنىڭ رەسمي سۇراۋ سالۋى بويىنشا قىلمىستىق-پروتسەستىك كودەكستە كوزدەلگەن تارتىپپەن جۇرگىزىلەدى.
بۇيرىق 2022 جىلعى 9 قاڭتاردان باستاپ قولدانىسقا ەنگىزىلەدى.
