ۆاكتسينا العان زەينەتكەرلەر اراسىندا شيپاجايعا ۇتىس ويىنى نۇر-سۇلتان قالاسى اكىمدىگىنىڭ الەۋمەتتىك جەلىلەردەگى (Facebook, YouTube) رەسمي پاراقشالارىندا تىكەلەي ەفيردە ءوتتى. بايقاۋعا 4,5 مىڭعا جۋىق ۆاكتسينالانعان زەينەتكەر قاتىستى.
ەگىلگەندەردىڭ اراسىندا سارىاعاش (تۇركىستان وبلىسى), وقجەتپەس (اقمولا وبلىسى), مويىلدى (پاۆلودار وبلىسى) شيپاجايلارىنا تەگىن جولدامالار, سونداي-اق باعالى سىيلىقتار: شاڭسورعىش, كىر جۋعىش ماشينا, Smart-تەلەديدار ويناتىلدى.
ۇتىس قورىتىندىسى بويىنشا:
552 ءنومىر - ءجۇرسىنوۆا ءباتيما قابەنقىزى سارىاعاش شيپاجايىنا (تۇركىستان وبلىسى) جولداما جەڭىپ الدى;
3491 ءنومىر - احمەتوۆا كۋلياندا اينەكقىزى وقجەتپەس شيپاجايىنا جولداما جەڭىپ الدى (اقمولا وبلىسى);
1201 ءنومىر - ساقتاپبەرگەنوۆ ەرمەك مىرزاحمەت ۇلى مويىلدى ساناتوريىنە (پاۆلودار وبلىسى) جولدامانى جەڭىپ الدى.
4437 ءنومىر - قاسەن ءلاززات قاليقىزى شاڭسورعىشتى جەڭىپ الدى;
4150 ءنومىر - ماكەنوۆ اتىعاي جۇسىپبەك ۇلى كىرجۋعىش ماشينانى جەڭىپ الدى;
3204 ءنومىرى – ابەنوۆا گۇلنار Smart-تەلەديداردى جەڭىپ الدى.
سونىمەن قاتار, جولداما جەڭىپ العاندار وزدەرىمەن بىرگە تاعى ءبىر ادامدى قاسىنا الىپ كەتە الادى.
كونكۋرس ادەتتەگىدەي Birge پلاتفورماسىندا ۆاكتسيناتسيالانعانداردىڭ ID گەنەراتسياسى ارقىلى اۆتوماتتى رەجيمدە ءوتتى. ونى ازىرلەۋگە IT-قاۋىمداستىق تا قاتىستى. ۆاكتسينالانعاندار بويىنشا سەرۆيس قر دەنساۋلىق ساقتاۋ مينيسترلىگىنىڭ اقپاراتتىق جۇيەسىمەن بىرىكتىرىلگەن.
ەستەرىڭىزگە سالا كەتەيىك, نۇر-سۇلتاندا كوروناۆيرۋسقا قارسى ۆاكتسيناتسيالانعانداردىڭ اراسىندا مالديۆكە ەكى ادامعا جولداما جانە باسقا دا باعالى سىيلىقتار ويناتىلادى.
بۇعان دەيىن ۆاكتسيناتسيالانعانداردىڭ اراسىندا پاتەر, كولىك جانە 20-دان استام iPhone ويناتىلدى.
ايتا كەتەيىك, قۇندى سىيلىقتاردىڭ ۇتىس ويىندارى ازاماتتاردى ۆاكتسيناتسيالاۋعا ىنتالاندىرۋ ماقساتىندا وتكىزىلەدى. تەك ۆاكتسيناتسيا ءسىزدىڭ جانە جاقىندارىڭىزدىڭ دەنساۋلىعىن قورعاۋعا مۇمكىندىك بەرەدى.
