وبلىستىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ دەرەكتەرىنە قاراعاندا, قازىر احۋال بۇرىنعىعا قاراعاندا ءبىرشاما قالىپتى جاعدايعا ءتۇسىپ كەلەدى. ىندەتتىڭ تارالۋىن ماماندار ەكى اپتانىڭ وزگەرىسىمەن باعالايدى. 9 جانە 22 جەلتوقسان ارالىعىندا كۆي 922 ادامنىڭ بويىنان تابىلدى. بۇل – 22 قاراشا مەن 8 جەلتوقسان ارالىعىنداعى ەكى اپتاعا قاراعاندا 24 پايىزعا از, ياعني 1 253-تەن 922-گە تومەندەگەن. ارينە, ارقانى كەڭگە سالاتىن كورسەتكىش ەمەس, بىراق بۇرىنعىعا قاراعاندا تومەندەۋ. سوڭعى تاۋلىكتە وبلىس ورتالىعىندا – 45, ماعجان جۇماباەۆ اۋدانىندا – 6, قىزىلجار مەن ەسىل اۋداندارىندا 5-تەن سىرقات انىقتالدى. باسقا اۋدانداردان دا جۇقتىرۋ تىركەلدى.
ءوڭىر «سارى ايماققا» وتكەننەن بەرى شەكتەۋ شارالارى ازايدى. ۆاكتسينا سالعىزۋ بويىنشا ناسيحاتتاۋ شارالارى جۇرگىزىلۋدە. كەشەگە دەيىن ۆاكتسينانىڭ العاشقى كومپونەنتىن 268 583 ادام سالعىزعان, ال تولىق سالعىزعاندار سانى – 251 819. Pfizer ۆاكتسيناسىن سالدىرعاندار سانى دا كوبەيىپ كەلەدى, بارلىعى 5 692 ادامعا ەگىلدى, سونىڭ ىشىندە 4 420 ءجاسوسپىرىم, 1 127 بالا ەمىزەتىن انالار بار.
مونيتورينگتىك توپتار ءوز قىزمەتتەرىن قاۋىرت جۇرگىزۋدە. جەلتوقسان ايى باستالعاننان بەرى ولار 127 رەيد جۇرگىزدى. 23 توپتان تۇراتىن ولار 643 نىساندى قامتىپ, كارانتيندىك شەكتەۋلەردى بۇزعان 15 ادامدى اكىمشىلىك جاۋاپكەرشىلىككە تارتىپ, 1 079 290 تەڭگەنىڭ ايىپپ ۇلىن سالدى. سونىمەن قاتار Ashyq جوباسىنىڭ تالابىن بۇزعان 158 زاڭدى تۇلعا انىقتالىپ, ولارعا 6,5 ملن تەڭگەنىڭ ايىپپ ۇلى سالىندى. سولتۇستىك قازاقستانداعى جامان ىندەتتىڭ كوبەيۋىنە جول بەرەتىندەر – شەكارانىڭ ار جاعىنان كەلگەندەر. 2020 جىلدىڭ قازان جانە 2021 جىلدىڭ جەلتوقسان ارالىعىندا رەسەي فەدەراتسياسىمەن اراداعى شەكارا بەكەتتەرىنەن 300 مىڭنان ارتىق ادام قازاقستانعا وتكەن. سونىڭ ىشىندە 5 866 ادامنىڭ پتر-تەستەن وتكەنى تۋرالى انىقتامالارى بولماعان. ولاردىڭ ءبارى كارانتيندىك ستاتسيونارلارعا جاتقىزىلعان. 316 ادامنىڭ بويىنان ىندەت تابىلىپ, ولاردىڭ 41-ءى ستاتسيونارعا جاتقىزىلىپ, 275-ءى ابۋلاتوريالىق ەمدەلۋگە جىبەرىلگەن. ال 1 694 شەتەلدىك ازامات قازاقستان اۋماعىنا وتكىزىلمەي كەرى قايتارىلعان.
سولتۇستىك قازاقستان وبلىسى
