پاندەميا قايتالانا ما؟ «وميكرون» تىركەلگەن ەلدەردەن 2،9 مىڭ جولاۋشى كەلگەن

الماتىداعى ەپيدەميالىق احۋالعا كەلسەك، سوڭعى 7 كۇندە كۆي دەرتى وتكەن اپتالارمەن سالىس­تىرعاندا 249 وقيعادان 223 جاع­دايعا دەيىن تومەندەپ، تاۋلىگىنە 30-35 ادامنان ىندەت تابىلىپ جا­تىر. جەلتوقسان ايىندا الما­تى­دا 1000-1300 ادام ىندەتكە شال­دى­عۋ مۇمكىندىگى بولجانسا، 22 جەلتوق­سانعا دەيىن 884 جاعداي تىركەلدى.

الماتىدا كۆي دەرتىنىڭ تو­مەن­دەۋىنە ۇجىمدىق يممۋنيتەتتى 58،4%-عا كوتەرۋ ايتارلىقتاي كو­مەك­تەسكەن. قالا اكىمى باقىتجان سا­عىن­تاەۆ: «الماتىنى جاپپاي ۆاك­تسي­نالاۋ قاجەت. ويتكەنى قالا­لىق سان­ەپيدقىزمەتتىڭ تالداۋ توبى مامان­دارىنىڭ بولجامى بويىنشا، الماتىدا COVID-19 «وميكرون» شتامىنىڭ تىركەلۋى ابدەن مۇمكىن. ەپيدەميانىڭ كەزەكتى تولقىنى 2022 جىلعى قاڭتاردىڭ ورتاسىندا كۇتى­لۋدە، ناۋرىز ايىنىڭ ورتاسىنا قاراي ءورشۋى ىقتيمال»، دەدى.

ويتكەنى 3-20 جەلتوقسان ارا­لىعىندا الماتىعا شەتەلدەن 49،4 مىڭ جولاۋشىسى بار 344 رەيس قوندى. ونىڭ ىشىندە پتر انىقتا­ما­لارىمەن – 29،7 مىڭ، ۆاكتسينالاۋ پاسپورتىمەن – 20 مىڭ، «وميك­رون» شتامى تىركەلگەن ەلدەر­دەن 2،9 مىڭ جولاۋشى كەلگەن. بارلىعى مە­ديتسينالىق باقىلاۋعا الىنىپ، 7 كۇن بويى وقشاۋلان­سا، ولار­­دىڭ اراسىندا كۆي-مەن ­اۋى­را­تىن 5 ناۋقاس انىقتالدى. جو­لاۋ­شىلاردىڭ 90%-ى گەرما­نيا، ­مى­سىر مەن ۇلىبريتانيا­دان ­كە­لەدى، ال بۇل ەلدەردە ىندەتتىڭ جاڭا ءتۇرى تابىلعانى ايان.

الماتىنىڭ باس سانيتارلىق دارى­گەرى جانداربەك بەكشين ورتا مەرزىمدى بولجامدى جاريالاپ، سوعان سايكەس COVID-19 «وميكرون»-نۇسقاسى ەپيدەمياسىنىڭ كەزەكتى تول­قىنى بولاتىنىن ايتتى. 2022 جىل­دىڭ قاڭتار ايىنىڭ ورتاسىنان باستاپ «وميكرون» «دەلتا» نۇسقاسىن بىرتىندەپ اۋىستىرىپ، ءورشي باستايتىن كورىنەدى. بەسىنشى تولقىننىڭ شىڭى الداعى جىلدىڭ ناۋرىز ايىنىڭ ورتاسىندا بولۋى مۇمكىن. سونداي-اق سوڭعى اپتادا 60 جاستان اسقان ەگدە ادامدار اراسىندا جۇقتىرعانداردىڭ ۇلەسى 80%-دى قۇرايتىنى بەلگىلى بولدى. ينفەكتسيانىڭ نەگىزگى ورىندارى – قوعامدىق كولىك (36%)، ساۋدا نىساندارى (34%) جانە وتباسىلارداعى بايلانىستار (25%).

الماتى قالاسى ءبىلىم باسقار­ماسىنىڭ باسشىسى ءلاززات جىل­قىباەۆا: ء«بىلىم بەرۋ ۇيىمدارىن­دا سانيتارلىق-ەپيدەميولوگيالىق ق­ا-
­ۋىپسىزدىكتى قامتاماسىز ەتۋ ماسە­لەسى ەرەكشە باقىلاۋدا. بارلىق بالاباقشالار، مەكتەپتەر مەن كوللەدجدەر Ashyq جوباسىنا قوسىلىپ، قاجەتتى مولشەردە دەزينفەكتسيالىق جانە انتيسەپتيكالىق قۇرالدارمەن قامتاماسىز ەتىلگەن»، دەدى.

«بالاباقشالار جىل بويى جۇ­مىس ىستەيتىنىن ەسكەرە وتىرىپ، قىس­قى مەرەكەلەر قارساڭىندا ءبىز اتا-انالار اراسىندا بالالاردى باقىلاۋ قاجەتتىلىگى جانە ولار­دىڭ دەنساۋلىق جاعدايى تۋرالى ءتۇسىندىرۋ جۇمىستارىن كۇشەي­تەمىز. بارلىق بالاباقشادا تاڭەر­تەڭگى سۇزگى جۇمىس ىستەيدى، اۋرۋ جانە جرۆي بەلگىلەرى بار بالالار توپتارعا جىبەرىلمەيدى»، دەيدى ل.جىلقىباەۆا.

جىل باسىنان بەرى الماتىداعى بالاباقشالاردا 122 بالا COVID-19-بەن اۋىرىپ، بالالار ىندەت جۇق­تىرعانى انىقتالعان توپتاردا ەكى اپتالىق كارانتين جاريالاندى. قازىر قالادا وقۋشىلاردىڭ
95%-ى وفلاين (287 955 ادام) جانە 5%-ى ونلاين وقيدى. كۇن سايىن قا­­شىقتان وقىتۋ فورماتىندا 15 155 وقۋشى ءبىلىم الادى. وقۋ جىلى باس­تالعاننان بەرى 3 869 وقۋشى كورو­ناۆيرۋسپەن اۋىردى، ولاردىڭ 2 376-ى وفلاين وقىدى. ناۋقاستار قاشىقتان وقىتۋعا كوشىرىلدى.

الماتىدا قازىر 585 700 دوزا ۆاكتسينا، ونىڭ ىشىندە سپۋتنيك-V – 33 756، QazVac – 50 009، Vero Cell – 223 755 جانە 277 987 – Pfizer ۆاكتسينالارى بار، ءۇشىنشى ۆاكتسينانى 45 503 الماتىلىق الدى.

الماتى