قوعام • 29 جەلتوقسان، 2021

ءبىلىم بەرۋ مەكەمەلەرىندە وزبىرلىققا ورىن بەرمەۋ ماسەلەسى تالقىلاندى

بۇگىن الماتى قالاسى اكىمىنىڭ ورىنباسارى ەرجان باباقۇماروۆ شۇعىل جيىن وتكىزىپ، مەكتەپتەر مەن بالاباقشالاردا جانجالدارعا جول بەرمەۋ ءۇشىن تۇبەگەيلى شارالار قابىلداۋدى تاپسىردى.

ايناش ەسالى

ە.باباقۇماروۆ ءبىلىم باسقارماسىنىڭ باسشىسىنا ءبىلىم بەرۋ ۇيىمدارىندا زورلىق-زومبىلىقتىڭ الدىن الۋ، انىقتاۋ جانە نازاردا ۇستاۋعا قاتىستى ۇيىمداستىرۋشىلىق-باسقارۋ شارالارىن ازىرلەۋدى، قابىلداۋدى جانە اقپاراتتىق-اعارتۋشىلىق جۇمىس جۇرگىزۋدى تاپسىردى.

شارالار لەگى مەكتەپتەر مەن بالاباقشالاردىڭ باسشىلىعى مەن پەداگوگيكالىق ۇجىمدارى اتا-انالارمەن، بالالارمەن، جوعارى تۇرعان ورگاندارمەن جانە بالالاردىڭ قۇقىقتارىن قورعاۋ جونىندەگى ارىپتەستىك ۇيىمدارمەن، سونداي-اق ۇەۇ-مەن تىعىز ىنتىماقتاستىقتا ىسكە اسىرۋ قاجەت.

الماتى اكىمىنىڭ ورىنباسارى ە. باباقۇماروۆ ءبىلىم بەرۋ ۇيىمىنىڭ الەۋمەتتىك-پسيحولوگيالىق احۋالىنا تالداۋ جاساۋ جانە زورلىق-زومبىلىق قاتىناستارىندا باسشىلىقتىڭ، وقىتۋشىلار قۇرامىنىڭ، ستۋدەنتتەر مەن اتا-انالاردىڭ جالپى ساياساتىن ازىرلەۋ قاجەتتىگىن تاپسىردى.

سونىمەن قاتار، نورماتيۆتىك قۇجاتتاردى، مىنەز-ق ۇلىق ەرەجەلەرىن، لاۋازىمدىق نۇسقاۋلىقتاردى، ءىس-قيمىل الگوريتمدەرىن ازىرلەۋ جانە قابىلداۋ، زورلىق-زومبىلىق جاعدايلارىن بولدىرماۋعا، انىقتاۋعا جانە دەن قويۋعا جاۋاپتىلاردى تاعايىنداۋ مىندەتتەلدى.

ءبىلىم بەرۋ ۇيىمىن پسيحولوگيالىق قولداۋ قىزمەتىن رەفورمالاۋعا جانە زورلىق-زومبىلىقتان زارداپ شەككەندەرگە، قۇقىق بۇزۋشىلار مەن كۋالارعا كومەك كورسەتۋ ءۇشىن ارىپتەستىك ۇيىمداردى جانە ولارمەن ءوزارا ءىس-قيمىل تەتىكتەرىن ايقىنداۋعا ەرەكشە نازار اۋدارۋ قاجەت.

سول سياقتى ءبىلىم بەرۋ باسقارماسىنا ءبىلىم بەرۋ مەكەمەلەرىنىڭ جايلىلىق، ينكليۋزيۆتىلىك جانە قاۋىپسىزدىك دەڭگەيىنە تۇراقتى مونيتورينگ جۇرگىزۋ جۇكتەلدى.

سونداي-اق، بالالاردىڭ قاۋىپسىزدىگىن قامتاماسىز ەتۋ جانە قۇقىقتارىن قورعاۋ ماسەلەلەرىندە اۋدان اكىمدەرى ورىنباسارلارىنىڭ، ءبىلىم باسقارماسى قىزمەتكەرلەرىنىڭ، اۋداندىق ءبىلىم بولىمدەرى باسشىلارىنىڭ جانە ءبىلىم بەرۋ ۇيىمدارى باسشىلارىنىڭ جاۋاپكەرشىلىگىن كۇشەيتۋ تاپسىرىلدى.

ە. باباقۇماروۆ اتالعان شارالار زورلىق-زومبىلىق جانە ونىڭ سالدارى تۋرالى حاباردار بولۋدى ارتتىرۋعا باعىتتالعانىن اتاپ ءوتتى. بۇل رەتتە دەسترۋكتيۆتى كورىنىستەرگە قارسىلىقتىڭ تيىمدىلىگىن ارتتىرۋعا، ونىڭ ىشىندە جەكە جانە الەۋمەتتىك داعدىلار مەن پەداگوگيكالىق قۇزىرەتتەردى دامىتۋ ارقاسىندا وقىتۋ بويىنشا جۇمىس جۇرگىزۋ قاجەت.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز