اتالعان جارىستىڭ تۇساۋى 2004 جىلى يراننىڭ باس شاھارى – تەھراندا كەسىلگەن بولاتىن. سول كەزدەن بەرى سارى قۇرلىقتىڭ ءار قيىرىندا توعىز بىردەي ءدۇبىرلى دودا دۇركىرەپ ءوتتى. بايراقتى باسەكەلەردە ەڭ مول جۇلدە قورىن جيعان قىتاي قۇراماسى. قىتاي ەلىنىڭ وكىلدەرى 81 (40 التىن+22 كۇمىس+19 قولا) مارتە جەڭىس تۇعىرىنا كوتەرىلدى. ەكىنشى ورىندا – قازاقستاننىڭ سايىپقىراندارى. ءبىزدىڭ ەلدىڭ اتلەتشىلەرى 59 (20+18+21) جۇلدەگە قول جەتكىزدى. سونداي-اق يران (14+21+23), جاپونيا (11+7+10), قاتار (11+6+4), ءۇندىستان (10+17+15), باحرەين (9+7+8), ساۋد ارابياسى (4+1+1), تايلاند (3+7+7) جانە كۋۆەيتتىڭ (3+5+2) سپورتشىلارى وزىق ون كوماندانىڭ قاتارىندا. بۇل جارىستا بارلىعى 16 مەملەكەتتىڭ ءانۇرانى شىرقالىپ, 24 ەلدىڭ تۋى كوكتە جەلبىرەگەن ەكەن.
قازىردىڭ وزىندە ازيا چەمپيوناتىنا قاتىسۋعا 29 مەملەكەتتىڭ وكىلدەرى نيەت ءبىلدىرىپ وتىر. ولار QAZAQSTAN جەڭىل اتلەتيكا كەشەنىندە وسى سپورتتىڭ 29 ءتۇرى بويىنشا شەبەرلىك بايقاسادى.
