تاراپتار قازاقستان مەن رەسەي اراسىنداعى ستراتەگيالىق سەرىكتەستىكتىڭ ءتۇرلى اسپەكتىلەرىن تالقىلادى. مەملەكەتتەر باسشىلارى ەكى ەل اراسىنداعى ساۋدا-ەكونوميكالىق قاتىناستاردىڭ دامۋىنا كوڭىلدەرى تولاتىنىن ايتتى. سونداي-اق ءبىلىم بەرۋ, تسيفرلاندىرۋ, ەنەرگەتيكا جانە باسقا دا سالالارداعى ىقپالداستىقتى نىعايتۋ قاجەتتىگىن اتاپ ءوتتى.
– ءبىلىم بەرۋ سالاسىنداعى كەلىسىم – وتە ماڭىزدى. مفتي جانە باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتى سياقتى رەسەيدىڭ جەتەكشى جوعارى وقۋ ورىندارىنىڭ فيليالدارىندا ماماندار دايارلاۋعا نيەتتىمىز, – دەدى قاسىم-جومارت توقاەۆ.
ءوز كەزەگىندە ۆلاديمير پۋتين قازاقستان پرەزيدەنتىن كەلەسى جىلدىڭ باسىندا رەسەيگە ساپارمەن كەلۋگە شاقىردى.
