جەكپە-جەك • 28 جەلتوقسان، 2021

كونور ەشقاشان شايقاستان قاشقان ەمەس – دانا ۋايت

69 رەت كورسەتىلدى

UFC پرەزيدەنتى دانا ۋايت يرلانديالىق ارالاس جەكپە-جەك شەبەرى كونور ماكگرەگوردىڭ كاسىبي مانسابىنا قاتىستى جەكە پىكىرىن ءبىلدىردى، دەپ حابارلايدى Egemen.kz championat.com-عا سىلتەمە جاساپ.

«مەن مىڭداعان سپورتشىمەن جۇمىس ىستەدىم. ولاردىڭ كوپشىلىگى: «بۇل شايقاس ءدال قازىر ماعان قاجەت ەمەس» دەگەن پىكىردى اشىق ايتىپ ءجۇردى. 2015 جىلى جوزە الدو جەكپە-جەكتەن باس تارتقان كەزدە كونور: «كىممەن بولسا دا شايقاسقا شىعۋعا دايىنمىن. جاتتىعۋىمدى جالعاستىرا بەرەمىن. قارسىلاس تابىلعان ۋاقىتتا ماعان قوڭىراۋ شال» دەدى.  

نەيت ديازعا قارسى وكتاگونعا شىعاتىن كەزدە دە ونىڭ جوسپارداعى شايقاسى وتپەيتىن بولدى. سوندا كونور: «ەندەشە نەيتكە قارسى شىعامىن. بۇل جەكپە-جەك ارالىق سالماقتا ەمەس، نەيت ديازدىڭ سالماعىندا وتەدى. ەگەر مەن ونىڭ سالماعىندا توبەلەسپەسەم، ءبارى بەكەر» دەگەندى العا تارتتى.  

قىسقاسى، كونور ماكگرەگور ارالاس جەكپە-جەك الەمىندە ورنى بولەك سپورتشى. ول ەشقانداي شايقاستان قاشقان ەمەس»، دەيدى دانا ۋايت.  

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار