قالادا بروتماستەر, ALAESTATE, Samruk Group, AsiaProm Textile جانە تاعى ءۇش جاڭا وندىرىستىك پاركتىڭ قۇرىلىسى قولعا الىندى. الماتى ءماسليحاتىنىڭ دەپۋتاتتارى بۇل ايماقتىق ەكونوميكادا بولاشاقتا ءوسىمدى قامتاماسىز ەتەتىن تەتىكتەر سانالادى دەيدى.
ءتورت شاعىن وندىرىستىك پارك قۇرىلىسىنىڭ جالپى اۋماعى 13,4 مىڭ شارشى مەتر. ولار ناۋرىزباي, الاتا جانە تۇركسىب اۋداندارىندا سالىنىپ جاتىر. ايماقتارعا 32 كاسىپورىن ورنالاستىرىلعان. ول جەردە كەمىندە 200 ادام تۇراقتى ەڭبەك ەتەدى. نىساندار ەرتەرەكتە تۇراقتاپ قالعان عيماراتتاردى جوندەۋدەن وتكىزۋ ەسەبىنەن ىسكە قوسىلعان. وندىرىستىك بازالار, توو «اlmaty Finance» ۇسىنعان جەڭىلدىك نەسيەلەرىنىڭ كومەگىمەن قۇرىلىس جۇمىسىنا 1,1 ملرد تەڭگە جەكە ينۆەستيتسيا تارتىلعان.
«الماتىنىڭ ءۇش اۋدانا يندۋسترالدى پاركتەردىڭ ينفراقۇرىلىمدىق دامۋىنا قوسىمشا جاڭا رەزيدەنتتەر تارتىلدى. قالا اكىمى باقىتجان ساعىنتاەۆتىڭ باستاماسىمەن قولعا الىنعان جوبانىڭ ەرەكشەلىگىن اتايتىن بولساق, ەڭ بىرىنشىدەن ينۆەستورلاردىڭ جەڭىلدىكتەر قاراستىرىلعان نەسيەگە قول جەتكىزۋ بولىپ تابىلادى. ولار جەكە قارجىلارىن بوس تۇرعان نەمەسە ينفراقۇرىلىمى قوسىلان جاڭا نىساندارعا سالىپ, ءىستى دوڭگەلەتىپ وتىر», دەدى الماتى قالاسى ءماسليحاتىنىڭ حاتشىسى ستانيسلاۆ كانكۋروۆ.
سونىمەن قاتار ءۇش شاعىن وندىرىستىك پاركتى ىسكە قوسۋ كوزدەلەدى. ALAESTATE, KazStroyTrade – ءبىرىنشى كەزەڭى, سيتيباس. بۇل جەرلەردە تاۋ كەن سالاسى, جيھاز جاساۋ جانە جەڭىل ونەركاسىپ سالاسىنىڭ 30 كاسىپورنى جۇمىس ىستەيتىن بولادى.
«بۇگىنگى كۇنى قالانىڭ ءار اۋدانىندا قاراۋسىز قالعان عيماراتتاردىڭ جەرلەرى كوز الدىمىزدا قايتا گۇلدەنىپ كەلەدى. كاسىپكەرلەر ەسكىنى جاڭارتىپ, جاڭا ءوندىرىس وشاقتارىن ىسكە قوسۋدا. يندۋستريالدى پاركتەر الماتىداعى وندىرىستىك كاسىپورىنداردىڭ تارتىلىس ورتالىعىنا اينالدى. ويتكەنى مۇندا مىداعان جۇمىس ورىنى اشىلىپ, ونشاقتى جاڭا كاسىپورىن بوي كوتەرۋدە. جەڭىلدىكتەر قاراستىرىلعان نەسيەلەر زاڭ شىعارۋشى جانە اتقارۋشى بيلىكتىڭ تاراپىنان زور كومەك سانالادى. بۇل جەڭىلدىكتەر بيزنەستىڭ قالامىزعا قىزىعۋشىلىعىن ارتتىرارى ءسوزسىز. قازىردىڭ وزىندە وندىرىستىك پاركتەر جەتىستىگىنىڭ سىرى – بيزنەس پەن بيلىكتىڭ بىرلەسكەن جۇمسىنىڭ ناتيجەسىندە ەكەنى كورىنىپ تۇر», دەدى الماتى قالاسى ءماسليحاتىنىڭ حاتشىسى.
