ايدىن يەلەرى شىعىس كونفەرەنتسياسىندا 61 ۇپايمەن ەكىنشى ورىندا تۇرسا, 40 ۇپايى بار «بارىس» سەگىزىنشى ساتىدا كەلەدى.
ءبىرىنشى كەزەڭدە «تراكتور» ساپىنان 9-مينۋتتا نيكيتا تەرتىشنىي ەسەپ اشتى. ارادا مينۋت وتەر-وتپەستە «بارىستىڭ» ەكى بىردەي ويىنشىسى ايدىننان قۋىلعانىن كوماندا كاپيتانى لۋكاش سەدلاك ءمۇلت جىبەرمەدى – 2:0. ەكىنشى تايمدا 35-مينۋتتا ل.سەدلاك ەسەپتى 3:0-گە جەتكىزدى.
ءۇش مينۋتتان كەيىن «بارىس» ساپىنداعى شۆەتسيالىق لەگيونەر ياكۋب بەرگلۋند مەرگەندىك تانىتتى. ءۇشىنشى كەزەڭ باستالىسىمەن انتون ساگادەۆ ەسەپتى 2:3-كە دەيىن قىسقارتىپ, «بارىسقا» ءۇمىت سىيلادى. الايدا ماتچ سوڭىندا تەەمۋ پۋلككينەنگە قوناقتاردىڭ بوس قالعان قاقپاسىن كوزدەۋ قيىندىققا تۇسكەن جوق – 4:2.
يۋري ءميحايليستىڭ شاكىرتتەرى كەلەسى كەزدەسۋىن 27 جەلتوقسان كۇنى ەلوردادا نەگىزگى قارسىلاستارىنىڭ ءبىرى, شىعىس كونفەرەنتسياسىندا 9-ورىنداعى «اۆتوموبيليست» (ەكاتەرينبۋرگ) كومانداسىمەن وتكىزەدى.
