بوكس • 24 جەلتوقسان، 2021

ەلوردالىق بوكسشىلار قازاقستان چەمپيوناتىندا توپ جاردى

127 رەت كورسەتىلدى

بوكستان نۇر-سۇلتان قالاسىنىڭ قۇراما كومانداسى ورالدا ەرلەر اراسىندا وتكەن قازاقستان چەمپيوناتىن ءبىرىنشى ورىنمەن اياقتادى. ەلوردالىق سپورتشىلار 3 التىن مەدال جەڭىپ، ەل چەمپيوناتىندا توپ جاردى، دەپ حابارلايدى Egemen.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.

قازاقستان چەمپيوناتىندا توپ جارعان بوكسشىلارىمىزدى نۇرسۇلتان نازارباەۆ حالىقارالىق اۋەجايىندا جاقىندارى مەن جانكۇيەرلەرى ىستىق ىقىلاسپەن قارسى الدى.

«بۇل ەرەسەكتەر اراسىنداعى العاشقى جارىسىم. جارىسقا باپكەرىممەن ورال قالاسىندا دايىندالدىم. باستى قارسىلاسىممەن سول جەردە جاتتىقتىم جانە بىرگە سپارنيگكە شىقتىق. جارىس وتە جوعارى دەڭگەيدە ءوتتى. 4 كەزدەسۋ وتكىزدىم. قارسىلاستارىمنىڭ بارلىعى قازاقستان چەمپيونى. سوڭعى قارسىلاسىم دانيال ءسابيت دەگەن ەرەسەكتەر اراسىنداعى الدىڭعى جىلى قازاقستان چەمپيونى اتانعان، ونىمەن فينالدا كەزدەستىم، وتە مىقتى قارسىلاس. الداعى جوسپار، كەلەر جىلى تاشكەنت قالاسىندا ەرەسەكتەر اراسىندا ازيا چەمپيوناتى وتەدى. سوعان دايىندالامىز. بارشا قازاق ەلىن ەل تاۋەلسىزدىگىنىڭ 30 جىلدىق مەرەيتويىمەن قۇتتىقتايمىن!»، دەدى ەلوردالىق بوكسشى سانجار تاشكەنباي.

ا

ەستەرىڭىزگە سالساق، ورال قالاسىندا بوكستان ەرلەر اراسىندا وتكەن قازاقستان چەمپيوناتى ەل تاۋەلسىزدىگىنىڭ 30 جىلدىق مەرەيتويىنا وراي ۇيىمداستىرىلعان. وعان ەلىمىزدىڭ 17 وڭىرىنەن 212 بوكسشى قاتىستى.

ەل چەمپيوناتىندا كوپتەگەن الەم جانە ازيا چەمپيوناتىنىڭ جۇلدەلەرىن العان سپورتشىلار جانە جاس جۇلدەگە تالاسۋشىلار مەن ۇلتتىق قۇرامادا جۇرگەن بوكسشىلار سىڭعا ءتۇستى. جۇلدەگەرلەر قاتارىنان كورىنگەن سپورتشىلار ۇلتتىق قۇراما قاتارىنا كىرىپ، 2022 جىلعى باستى جارىستارعا قاتىسۋ مۇمكىندىگىنە يە بولدى.

ا

«ورال قالاسىندا قازاقستان رەسپۋبليكاسىنىڭ چەمپيوناتى ءوتتى. بۇل وتە ماڭىزدى جارىس بولىپ سانالادى. ويتكەنى بۇل چەمپيوناتتا جاڭا قۇراما ىرىكتەلەدى. جاساقتالعان قۇراما ەلىمىزدى ازيا ويىندارىندا، الەم چەمپيوناتىندا جانە باسقا دا جارىستاردا باقتارىن سىنايتىن بولادى. باتىس قازاقستان بوكس فەدەراتسياسىنىڭ پرەزيدەنتى باۋىرجان كارىموۆكە جانە ونىڭ ارىپتەستەرى مەن كومانداسىنا العىس ايتقىم كەلەدى. جارىستى جوعارى دەڭگەيدە وتكىزدى. ءبىزدىڭ سپورتشىلار بارلىق كۇش-جىگەرىمىزدى اقتادى. وسىنىڭ بارلىعى ادال ەڭبەك پەن تازا جەڭىستىڭ ارقاسىندا»، دەدى نۇر-سۇلتان قالاسىنىڭ اعا جاتتىقتىرۋشىسى اسقار ەركەباەۆ.

ەڭ جەڭىل سالماقتا چەمپيوندىق اتاق - جاستار اراسىنداعى ەلوردالىق الەم چەمپيونى سانجار تاشكەنبايعا بۇيىردى. فينالدىق كەزدەسۋدە نۇر-سۇلتان قالاسىنىڭ بوكسشىسى رينگ قوجايىنى، بىلتىرعى قازاقستان چەمپيونى دانيال ءسابيتتى جەڭدى.

كا

اعايىندى ورالبايلار وزدەرىنىڭ مىقتى ەكەندەرىن وسى چەمپيونات بارىسىندا تاعى ءبىر دالەلدەدى. ايبەك پەن نۇربەك 80 جانە 92 كەلىدە ەل چەمپيونى اتاندى. نۇربەك اقتوبە وبلىسىنىڭ وكىلى جانىبەك قارتبايدان باسىم تۇسسە، ايبەك جارىستا ابزال قۇتتىبەكوۆتى جەڭدى.

وسىلايشا، جۇلدەلەر بويىنشا نۇر-سۇلتان قالاسىنىڭ اعا باپكەرى اسقار ەركەباەۆتىڭ جانە نۇرجان نيشانوۆتىڭ شاكىرتتەرى جەڭىمپاز اتاندى. ولار ءۇش التىن جۇلدە ەنشىلەدى.

قازاقستان چەمپيوناتىنىڭ ناتيجەسى بويىنشا جالپى كوماندالىق ەسەپتە نۇر-سۇلتان قۇراماسى كوش باستادى. ەكىنشى ورىنعا تۇركىستان وبلىسىنىڭ قۇراماسى جايعاسسا، ۇزدىك ۇشتىكتى قاراعاندى وبلىسىنىڭ بوكسشىلارى تۇيىندەدى.

ەۋ

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 10:17

ەلىمىزدە 9،5 ملن ادام ەكپە سالدىردى

كوروناۆيرۋس • بۇگىن، 09:49

ۇقساس جاڭالىقتار