شقو اكىمى دانيال احمەتوۆ ساياسي قۋعىن-سۇرگىن قۇرباندارىن اقتاۋ جونىندەگى كوميسسيانىڭ ەسەبىن تىڭدادى.
«تاريحشىلار, عالىمدار مەن جوعارى وقۋ ورىندارىنىڭ وقىتۋشىلارى ۇلكەن ءارى ماڭىزدى جۇمىس اتقاردى. مۇراعاتتاردان اقتالماعان 2847 ادامنىڭ ءىسى تابىلعان. ولاردىڭ 2666-سى وڭالتۋ شارالارىمەن قامتىلۋى تيىس. بۇگىندە كوميسسيا بارلىق قاجەتتى قۇجاتتاردى دايىنداپ قويدى. ءوز تۋىستارىنىڭ تاعدىرى تۋرالى بىلگىسى كەلەتىن ازاماتتاردىڭ وتىنىشتەرىنەن كەيىن ءبىز ارنايى پورتال اشتىق. وندا قالدىرىلعان ءار ءوتىنىشتى ماماندار مىندەتتى تۇردە قاراستىرادى. قازىردىڭ وزىندە 494 ءىس مەملەكەتتىك كوميسسيانىڭ قاراۋىنا جىبەرىلمەك», دەدى ايماق باسشىسى.
سونداي-اق كوميسسيا كۇشتەپ جەر اۋدارىلعان 203 ادامنىڭ ءىسىن تولىق زەردەلەدى. ونىڭ ۇستىنە العاش رەت ولاردىڭ ناقتى سانى انىقتالماق.
«بۇدان بولەك, ماماندار ۇلى وتان سوعىسى كەزىندە كونتسلاگەرلەردە بولعان شىعىسقازاقستاندىق تۇتقىنداردىڭ ىستەرىمەن جۇمىس ىستەۋدە. وسى جۇمىسقا ستۋدەنتتەردى, ماگيسترانتتاردى, ۆولونتەرلەردى تارتۋ قاجەت. ءبىز ءوز تاراپىمىزدان ولاردى قاجەتتى جابدىقپەن قامتاماسىز ەتۋگە دايىنبىز. تاريح ەشقاشان ۇمىتىلماۋى جانە بۇرمالانباۋى كەرەك! بۇل ساياسي كەزەڭ تولىققاندى زەرتتەلۋى ءتيىس», دەدى دانيال احمەتوۆ.
