ۇرپاقتارىمىز ۇمىتپايدى

كەشە اقوردادا پرەزيدەنت نۇرسۇلتان نازارباەۆ وتان قور­عاۋشىلار كۇنىنە وراي  بىرقاتار سوعىس ارداگەرلەرىن جانە الەۋەت قۇرىلىمدارىنىڭ قىزمەتكەرلەرىن قازاقستان رەسپۋبليكاسىنىڭ مەملەكەتتىك ناگرادالارىمەن مارا­پاتتادى. اسكەري پوگونداردى تابىس ەتۋ ءراسىمى  رەزيدەنتسيانىڭ “التىن زالىندا”,  مەملەكەتتىك ناگرادالاردى تابىس ەتۋ  ءراسىمى ء“مارمار زالىندا” ءوتتى. “مەن قازىر جوعارى اسكەري اتاق پەن شەندەردى تاپسىرعالى تۇرمىن. قازاقستان قارۋلى كۇشتەرىنىڭ باسشىلىق قۇرامىنداعى بىرنەشە ساردار بۇگىن گەنەرال اتاعىنا يە بولىپ وتىرعانىن ايرىقشا ايتقىم كەلەدى. قارۋلى كۇشتەرىمىز – بۇگىندە تاتۋلىقتى تۋ ەتكەن حال­قىمىزدىڭ بەرىك قورعانى, تاۋەل­سىزدىگىمىز بەن تۇتاستىعىمىزدىڭ سە­نىمدى تىرەگى. ايبىندى اسكەرىمىز, قىراعى قورعاۋشىلارىمىز بار كەزدە حالقىمىز بەيبىتشىلىك بايان­دى بولادى دەپ سەنەدى”, دەدى ەل­باسى اسكەري جانە ارنايى شەنگە يە بولعانداردى قۇتتىقتاۋ كەزىندە. ال ء“مارمار زالعا” قاز قاتار قوي­ىل­عان ورىندىقتارعا جۇزدەرى بال-بۇل جانعان ارداگەرلەر جاي­عا­سىپتى. ولاردىڭ ارتىندا سىمعا تار­تىلعانداي جاس وفيتسەرلەر ءتىز­بەگى تۇر. ەسىك اشىلىپ, مەملەكەت باس­شى­سى ميكروفون قويىلعان ءمىن­بەر­گە جاقىندادى دا: “مەنىڭ جار­لىعىممەن وسىدان 18 جىل بۇرىن قازاقستان رەسپۋبليكا­سى­نىڭ قارۋلى كۇشتەرى قۇرىلعان بولاتىن. ءبىز تاۋەلسىزدىگىمىزدىڭ تاڭى جاڭادان اتىپ كەلە جاتقان كەزدە ۇلتتىق ارميامىزدى جاساق­تادىق. سودان بەرى وسى كۇنگە دەيىن ەكى مەيرام داستۇرگە اينالدى. مەن بۇگىن مەرەكە كۇنىنە وراي ەلىمىزگە ەڭبەگى سىڭگەن ادامداردى مەملە­كەت­تىك ناگرادا­لارمەن ماراپاتتاۋدى ءجون كوردىم. جوعارى ماراپات يە­لە­رىن شىن جۇرەكتەن قۇتتىقتاي­مىن. جەڭىس مەرەكەسى قۇتتى بول­سىن!” دەدى. كەلەسى كەزەكتە ەلباسى اردا­گەر­لەرگە قاراتىپ بىلاي دەدى: “بۇگىنگى كۇنگە دەيىن امان-ەسەن جەتىپ, اللانىڭ شاپاعاتىنا, مەملەكەتتىڭ قۇرمەتىنە بولەنىپ وتىرسىزدار. سونىڭ ءوزى ۇلكەن باقىت. سىزدەر سۇراپىل سوعىستى كوردىڭىزدەر, قا­زاقتىڭ تاۋەلسىزدىگىنىڭ كۋاسى بول­دى­ڭىزدار. سول قىزىقتارىڭىز مو­لى­نان بولسىن. ارينە, مەن اردا­گەر­لەردىڭ بارلىعىنا دەرلىك مەم­لەكەتتىك ناگرادالاردى تاپسىرا المايمىن. سوندىقتان دا بارلىق اكىمدەرگە وڭىرلەردەگى ارداگەرلەرگە مەملەكەتتىك ناگرادالاردى تاپسىرۋ جونىندە تاپسىرما بەرىلدى. بۇگىنگى كۇنى قازاقستاننىڭ قاي جەرىندە دە ارداگەرلەرگە زور قۇرمەت پەن قام­قور­لىق جاسالىپ جاتىر.  سول قام­قورلىقتاردىڭ بارلىعى سىزدەردىڭ سوعىس كەزىندە كورسەتكەن ەرلىكتە­رى­ڭىزگە ۇل-قىزدارىڭىزدىڭ قۇرمەتى مەن سىي-سىياپاتى. ەندى ۇرپاق­تارىمىز ءبىزدىڭ بۋىندى دا سىزدەردى قادىرلەگەندەي قاستەرلەسە ەكەن دەيمىز. مەنىڭ ويىمشا,  ۇرپاقتار ساباقتاستىعى, ياعني بالانىڭ اتاعا دەگەن قۇرمەتى وسىلاي بولۋى ءتيىس”. نۇرسۇلتان ءابىش ۇلى ءوزىنىڭ ۇزدىك گەنەرالدار مەن وفيتسەرلەردى بەيبىت ۋاقىتتاعى ەڭبەكتەرى, جو­عا­رى بىلىكتىلىكتەرى, وتان الدىنداعى قىزمەتتەرى ءۇشىن مەملەكەتتىك ناگ­را­دالارمەن ماراپاتتاعانىن ءما­لىم­دەدى. بۇل رەتتە 19 وفيتسەرگە گە­نە­رال اتاقتارى بەرىلگەن بولاتىن. ەلباسى وسىنداي ماراپاتقا ءاس­كە­ري­لەردىڭ ەڭبەكتەرى سىڭگەنىن اتاپ كورسەتىپ, ولاردىڭ ارداگەر­لە­رى­مىز­دىڭ ەرەن ەڭبەكتەرىن جالعاستىرىپ, سولاردان وقىپ-ۇيرەنۋدە ەكەنىن ايتتى. — ءبىز سىزدەردى ۇلى وتان سوعى­سىنىڭ 70, 75 جىلدىقتارىندا دا كورگىمىز كەلەدى, — دەدى ەلباسى ارداگەرلەرگە. سۇراپىل سوعىستا 500-دەن استام ازاماتىمىز كەڭەس وداعىنىڭ باتىرى اتاندى. جاۋدى  جۇمىلىپ, ءبىرلى­گى­مىزبەن جەڭدىك. قانقۇيلى سوعىس جىلدارىندا قازىرگى قازاقستان حال­قىنىڭ مىزعىماس بىرلىگى قا­لىپتاستى. الاساپىران زاماندا تاع­دىر توعىستىرعان ۇلت وكىلدەرىن قازاق جەرى ءبىر وتباسىنىڭ بالا­سىن­داي باۋىرىنا باستى. ءبىز ەل باسىنا تۇسكەن زۇلمات جىلداردىڭ زىلدەي سالماعىن جان جۇرەگىمىزبەن سەزىنىپ, بولىستىك. سوندىقتان ءبىز ادامزات بالاسىنا ورنى تولماس قايعى-قاسىرەت اكەلگەن سۇم سوعىس­تىڭ جەر بەتىندە ەندى قايتا­لان­باۋىن تىلەيمىز. ءسوزىنىڭ سوڭىندا ەلباسى رەسەي باسشىلىعىنىڭ شاقىرۋىمەن ءماس­كەۋدەگى جەڭىس پارادىنا قاتى­سا­تىنىن ايتا كەلە: “پارادقا كوپ­تەگەن ەل­دەر­دىڭ مەملەكەت باسشى­لارى قاتىسادى. سوندىقتان دا ما­مىردىڭ 9-ى كۇنى سىزدەرمەن بىرگە بولا المايمىن. وعان عافۋ وتىنە­مىن”, دەدى. مەملەكەت باسشىسىنىڭ اي­تۋ­ىنشا, 356 ادام ناگراداعا لايىق­تى دەپ تانىلعان. انار تولەۋحانقىزى.