سۋرەتتەر باقىتجان وماردىڭ فەيسبۋكتەگى پاراقشاسىنان الىندى
كوزى تىرىسىندە قاندى قاساپ مايداننان بولەك كوپتەگەن شەت مەملەكەتتەردى ارالاعان باۋىرجان مومىش ۇلى فيدەل كاسترونىڭ شاقىرتۋىمەن كۋباعا بارىپ, فيدەلدىڭ ءىنىسى ءراۋلدى اڭگىمەلەرىمەن باۋراپ العانى بەلگىلى. بوستاندىق ارالىنان ورالعاننان كەيىن جازعان «كۋبا اسەرلەرى» اتتى تۋىندىسى ەلدىڭ جۇرەگىندە ساقتالعان. جالپى باۋكەڭە دەگەن قۇرمەت ول باقيلىق بولعان سوڭ دا تولاستاعان ەمەس. قازاقستاننىڭ ءار قيىرىندا ونىڭ اتىنداعى كوشەلەر, مەكتەپتەر, ساياباقتار جەتىپ ارتىلادى. 100 جىلدىعىنا وراي 30 تومدىق تا جارىق كوردى...
ەر باۋكەڭنىڭ رۋحىنا كورسەتىلگەن تاعى ءبىر تاعزىم – باۋىرجان مومىش ۇلىنىڭ 111 جىلدىعىنا وراي انكارادا «Türkistan'ın od Balası» اتتى كىتاپ تۇساۋىنىڭ كەسىلۋى. كىتاپتىڭ اۆتورى – انادولى ەلىنىڭ بەلگىلى اۋدارماشىسى اشۋر وزدەمير. تاماشا كىتاپتىڭ شىعۋىنا قازاقستاننىڭ تۇركياداعى ەلشىلىگى زور ىقپال ەتكەن ەكەن. ابزال ساپاربەك ۇلى ەلشىلىكتىڭ ەسەلى ەڭبەگىنىڭ ارقاسىندا وسى جىلى جوعارىداعى جيناقتى قوسا ەسەپتەگەندە 22 كىتاپ جارىق كورگەنىن اتاپ ءوتتى.
