بۇل تۋرالى Reuters اگەنتتىگى ءمالىم ەتتى.
دەنساۋلىق ساقتاۋ ءمينيسترى فاحرەددين كودجۋ ەلدە شىعارىلعان ۆاكتسينا حالىققا كەلەسى اپتادان باستاپ سالىناتىنىن حابارلادى. ول تۇركيا كوروناۆيرۋسقا قارسى ءوز ۆاكتسيناسىن شىعارعان توعىزىنشى ەل ەكەنىن ايتتى.
تۇركيا پرەزيدەنتى رەدجەپ تايىپ ەردوعان بۇل ۆاكتسينانى بارلىق ەلمەن بولىسەتىنىن مالىمدەدى.
Turkovac ۆاكتسيناسىن ەردجياس ۋنيۆەرسيتەتىنىڭ عالىمدارى تۇركيا دەنساۋلىق ساقتاۋ مينيسترلىگىنە قاراستى تۇركيانىڭ دەنساۋلىق ساقتاۋ باسقارماسىمەن (TÜSEB) بىرلەسىپ جاساعان. كلينيكالىق سىناقتاردىڭ ءۇشىنشى كەزەڭى اياقتالۋعا جاقىن.
بۇعان دەيىن تۇركيا ءوز جوباسى بويىنشا كوروناۆيرۋسقا قارسى ۆاكتسيناسىنىڭ ءبىرىنشى جانە ەكىنشى فازاسىن ءساتتى سىناقتان وتكىزگەن بولاتىن. ءۇشىنشى كەزەڭ ءساتتى اياقتالسا, ۆاكتسينانى جاپپاي وندىرىسكە جانە پايدالانۋعا ەنگىزۋ جوسپارلانعان.
