بۇل قوراپتاردا بوبەكتەرگە كەرەكتى زاتتاردان بولەك, ەل پرەزيدەنتى قاسىم-جومارت توقاەۆتىڭ قۇتتىقتاۋ تىلەگى جازىلعان اشىق حات, «تاۋەلسىز قازاقستانعا 30 جىل» تيىنى مەن بالانىڭ تۋ تۋرالى كۋالىگى سالىنعان.
«دۇنيەگە ءسابيىمىز كەلىپ ءبىر قۋانساق, ء«سۇيىنشى» قورابىن الىپ قۋانىشىمىز ەسەلەنىپ جاتىر. ونىڭ ۇستىنە ءسابيىمىز مەرەكە كۇنى دۇنيەگە كەلدى. قۋانىشىمدا شەك جوق. پرەزيدەنتتىڭ ءوزى قۇتتىقتاۋ حاتىن جولداپ جاتسا, نەگە قۋانباسقا! بالام قازاقستان رەسپۋبليكاسىنىڭ باقىتتى بالالارىنىڭ ءبىر بولىپ وسەدى دەپ سەنەمىن! ومىرگە العاشقى كەلگەن كۇننەن قۇرمەتكە يە بولىپ جاتىر. ەلىمىزدە انالار دا, بالالار دا باقىتتى بولسىن!», دەيدى الماتى قالاسىنىڭ تۇرعىنى گۇلفيا ەسكەلدينوۆا.
«16 جەلتوقسان, مەرەكە كۇنى مەنىڭ ۇلىم دۇنيەگە كەلدى. وتە باقىتتىمىن! سايان ءبىزدىڭ ءۇشىنشى بالامىز. بۇگىن بىزگە پرەزيدەنتتىڭ قۇتتىقتاۋىمەن سىيلىق اكەلدى. كۇتپەگەن, كەرەمەت جاعىمدى جاڭالىق بولدى. قوراپتا انا مەن بالاعا قاجەت نارسەنىڭ ءبارى بار. ۇيىمداستىرۋشىلارعا راحمەت!», دەيدى دينارا.
تاۋەلسىزدىك كۇنى دۇنيەگە كەلگەن 2 مىڭنان استام سابيگە baby-بوكستار سىيعا تارتىلدى.
ايتا كەتۋ كەرەك, ء«سۇيىنشى» سىيقوراپتارىن تسيفرلىق دامۋ, يننوۆاتسيالار جانە اەروعارىش مينيسترلىگى «ازاماتتارعا ارنالعان ۇكىمەتپەن بىرگە جانە ۇلتتىق بانك, تسەنتركرەديت بانكى جانە «قازپوشتا» اق قاتىسۋىمەن ۇيىمداستىردى.
الماتى
