تەننيس ورتالىعىندا ءوتىپ جاتقان ايتۋلى دودادا 48 كگ سالماقتا باتىسقازاقستاندىق دانيال ءسابيت الماتى وبلىسىنىڭ وكىلى كەنجە مۇرات ۇلىن 5:0 ەسەبىمەن ۇتىپ, سوڭعى باسەكەگە جولداما الدى.
الماتى قالاسىنان كەلگەن ەرنۇر قايراتتى ايقىن باسىمدىلىقپەن (5:0) جەڭگەن ەلوردالىق سانجار تاشكەنباي د.سابيتكە قارسىلاس اتاندى. 51 كگ سالماقتا تاعى ءبىر باتىسقازاقستاندىق نۇرسۇلتان نۇريدەنوۆ جارتىلاي فينالدا الماتى وبلىسىنىڭ نامىسىن قورعاعان تيمۋر قابدەشوۆتەن ايلاسىن اسىردى (3:2).
نۇرسۇلتان فينالدا الماتى وبلىسىنىڭ تاعى ءبىر وكىلى دامير ابدىقادىرمەن جۇدىرىقتاسادى. ول ماڭعىستاۋلىق قۋانىش دۇيسەنبايدان ايلاسىن اسىردى (5:0). 54 كگ سالماقتا اتىراۋلىق ولجاس باينيازوۆ شىعىسقازاقستاندىق داۋلەت مولداشەۆتىڭ مەسەلىن قايىردى (5:0).
قىزىلوردالىق نۇرسۇلتان التىنبەكتەن 4:1 ەسەبىمەن باسىم تۇسكەن قاراعاندىلىق تالعات سىرىمبەتوۆ تە التىن ءۇشىن ايقاسادى. 57 كگ سالماقتا اقمولا وبلىسىنان كەلگەن ورازبەك اسىلقۇلوۆ پاۆلودارلىق ەربولات سابىردى ۇتىپ كەتتى (5:0). ونىڭ فينالداعى قارسىلاسى – جامبىلدىق بيبارىس جەكسەندى سۇرىندىرگەن قوستانايلىق ايدوس اراپوۆ. 67 كگ سالماقتا الماتى وبلىسىنىڭ بوكسشىسى دارحان دۇيسەباي ءوزىنىڭ جەرلەسى ميراس ەرتانوۆتى 5:0 ەسەبىمەن جەڭدى.
شىمكەنتتىك داۋلەت نىساندى جولدان تايدىرعان (5:0) جامبىلدىق دۋلات بەكباۋوۆ تا فينالدا. 71 كگ سالماقتا فينالدا پاۆلودارلىق قۋان قۋاتوۆ پەن شىعىسقازاقستاندىق ەرماحان جاكپەكوۆ كەزدەسەدى. ولار سايكەسىنشە الماتىلىق ارمات ارمان ۇلى مەن الماتى وبلىسىنىڭ وكىلى نۇرجان امانگەلدىدەن ايقىن باسىم شىقتى. 75 كگ سالماقتا تورەشىلەردىڭ شەشىمى بويىنشا جامبىلدىق نۇرجىگىت مولجىگىتوۆتى جەڭگەن اتىراۋلىق نۇرقانات رايىس پەن الماتىلىق تيمۋر نۇرسەيىتوۆتەن باسىم تۇسكەن پاۆلودارلىق اياتۋللا تاكيجانوۆ فينالعا جولداما الدى.
باسقا سالماق دارەجەلەرىندە فيناليستەر بۇگىن انىقتالادى.
