اتالعان بايقاۋعا ەلىمىزدىڭ وڭىرلەرىنەن كاسىپكەرلىك سۋبەكتىلەرى, كىشى جانە شاعىن بيزنەس وكىلدەرى جانە جەكە ازاماتتار قاتىستى.
بايقاۋدىڭ ماقساتى: قوعامدا ءجيى كوتەرىلىپ جۇرگەن سىرتقى جارنامالار مەن ماڭدايشالارداعى, باسقا دا كورنەكى اقپاراتتارداعى قازاق ءتىلىنىڭ ساۋاتتى جازىلۋى جانە ماتىندەردىڭ ماعىنالىق اۋدارماسىن, مەملەكەتتىك ءتىلدىڭ كەڭ اۋقىمدى قولدانىسىن قامتاماسىز ەتۋ, ساۋاتتى رەسىمدەلۋى, «قازاقستان رەسپۋبليكاسىنداعى ءتىل تۋرالى» قازاقستان رەسپۋبليكاسى زاڭى تالاپتارىنىڭ ورىندالۋىن قاداعالاۋعا اتسالىسىپ جۇرگەن ازاماتتارعا قولداۋ كورسەتۋ.
كورنەكى اقپارات سالاسىنداعى ماسەلەلەرگە قوعام نازارىن اۋدارۋ. وسى سالاداعى كەمشىلىكتەردى تۇزەتۋگە, ماڭدايشالارداعى ورفوگرافيالىق جانە ستيليستيكالىق, پۋنكتۋاتسيالىق قاتەلەرگە جول بەرمەۋدى, اۋدارما جاسايتىن مامانداردى انىقتاپ ىنتالاندىرۋ جانە رەسپۋبليكا اۋماعىندا ءتىل تۋرالى زاڭنىڭ ورىندالۋىنا اتسالىسىپ جۇرگەن ازاماتتارعا قولداۋ كورسەتۋ.
بايقاۋ ەكى تۋر بويىنشا وبلىستىق جانە رەسپۋبليكالىق دەڭگەيدە وتكىزىلدى.
بايقاۋ ناتيجەسى بويىنشا قاتىسۋشىلار ديپلوم, العىس حات جانە اقشالاي سىيلىقتارمەن ماراپاتتالدى.
