21 جەلتوقساندا ساعات 9.00-دەن 12.00-گە دەيىن ازاماتتىق قورعاۋدىڭ قۇلاقتاندىرۋ جۇيەسىنە رەسپۋبليكالىق تەكسەرۋ جۇرگىزۋ جوسپارلانعان.
توتەنشە جاعدايلار تۋرالى حالىقتى قۇلاقتاندىرۋ جانە حاباردار ەتۋ - تۇرعىنداردى تابيعي قۇبىلىستاردىڭ ءارتۇرلى فاكتورلارىنىڭ اسەرىنەن بولاتىن اپاتتىڭ نەمەسە جويقىن اسەردىڭ تەرىس سالدارىنان قورعاۋعا مۇمكىندىك بەرەتىن نەگىزگى قاۋىپسىزدىك شاراسى.
قۇلاقتاندىرۋ جۇيەسىن تەكسەرۋ بارىسىندا ەلەكتر دابىلدارىن جانە سيرەنالىق-سويلەۋ قۇرىلعىلارىن (داۋىس زورايتقىشتاردى) قىسقا مەرزىمگە قوسۋ, سونداي-اق تەلەديدار جانە راديوارنالارىنىڭ ەفيرى ارقىلى حابارلاۋ, ينتەرنەت-رەسۋرستارى مەن ءموبيلدى قوسىمشالاردا اقپاراتتى ورنالاستىرۋ جوسپارلانعان. «بارشانىڭ نازارىنا!!!» دىبىستىق سيگنالى - قاۋىپ تونگەن نەمەسە توتەنشە جاعداي تۋىنداعان كەزدە بارلىق شۇعىل حابارلامالاردى بەرۋدىڭ الدىندا حالىقتىڭ نازارىن اۋدارۋ ءۇشىن بەرىلەتىن ەسكەرتۋ دابىلى.
دىبىستىق سيگنالدى ەستىگەن كەزدە تەلەديدارلار مەن راديوقابىلداعىشتاردى قوسۋ كەرەك. ينتەرنەت رەسۋرستارداعى جانە ءموبيلدى قوسىمشالارداعى اقپاراتتاردى اپات تۋىنداعان جاعدايدا ودان ءارى ارەكەت ەتۋ تۋرالى نۇسقاۋلار الۋ ءۇشىن وقىپ شىعۋ كەرەك.
سونىمەن قاتار, قاۋىپتى وندىرىستىك وبەكتىلەر مەن گيدروتەحنيكالىق قۇرىلىستارداعى جەرگىلىكتى قۇلاقتاندىرۋ جۇيەلەرىنىڭ جارامدىلىعى تەكسەرىلەدى. قۇلاقتاندىرۋ جۇيەسىنە رەسپۋبليكالىق تەكسەرۋ جۇرگىزۋ قۇلاقتاندىرۋ جابدىعىن ازىرلىكتە ۇستاۋعا جانە حالىقتى ىقتيمال توتەنشە جاعدايلاردان قورعاۋعا باعىتتالعان.
