اتالعان شارا سەرتيفيكاتتالماعان پيروتەحنيكالىق بۇيىمداردىڭ جانە رۇقسات بەرۋ قۇجاتتارىنسىز ساۋدا فاكتىلەرىن انىقتاۋعا جانە جولىن كەسۋگە باعىتتالعان.
«ىشكى ىستەر مينيسترلىگى پەتاردالار مەن بەنگال وتتارى فەيەرۆەركتەرىن ساتىپ الۋ كەزىندە مىندەتتى تۇردە ءونىمنىڭ سەرتيفيكاتىنا نازار اۋدارۋعا, پيروتەحنيكانى پايدالانۋ ەرەجەلەرىمەن تانىسۋعا كەڭەس بەرەدى. ونى ساقتاۋ جانە ىسكە اسىرۋ مەرزىمىنە ءمان بەرىڭىز. مەرزىمى ءوتىپ كەتكەن تاۋارلاردى ەشقانداي جاعدايدا قولدانۋعا بولمايدى», دەدى ءنۇردىلدى وراز قر ءىىم ءباسپاسوز الاڭىندا وتكەن بريفينگتە.
پيروتەحنيكانى ىسكە قوسۋ كەزىندە تەمەكى شەگۋگە قاتاڭ تىيىم سالىنادى جانە تۇراقتاعى كولىكتەردىڭ جانىندا اتۋعا بولمايدى. 50 مەتر راديۋستا ءورت قاۋپى بار نىساندار بولماۋى ءتيىس.
«كورەرمەندەر فەيەرۆەركتەن 15-20 مەتر قاشىقتىقتا, ءتۇتىن مەن بۇيىمداردىڭ جانباي قالعان بولىكتەرى ۇشپاۋ ءۇشىن مىندەتتى تۇردە جەل جاعىنان تۇرۋى كەرەك. وتشاشۋدى قولمەن قوسۋعا تىيىم سالىنادى. وسىنداي قاراپايىم ەرەجەلەردى ۇستانۋ ءومىرىڭىز بەن دەنساۋلىعىڭىزدى, جانە مەرەكەلىك كوڭىل-كۇيدى ساقتاۋعا مۇمكىندىك بەرەدى. پيروتەحنيكا – ءورتتىڭ پايدا بولۋىنا عانا ەمەس, ادام دەنساۋلىعىنا دا ەلەۋلى زيان كەلتىرۋى مۇمكىن قاۋىپتى قۇرال. سول ءۇشىن پيروتەحنيكالىق بۇيىمداردى پايدالانۋ ەرەجەلەرىن ساقتاۋ قاجەت», دەدى ن. وراز.
