مەديتسينا • 20 جەلتوقسان، 2021

ايتۆ-احۋالدى ناۋقاستار تۋبەركۋلەزدى تەز جۇقتىرادى

62 رەت كورسەتىلدى

قازىر الماتىدا ايتۆ جۇق­تىرعان ادامداردان تۋبەركۋلەزدى انىقتاۋدىڭ جاڭا ءادىسى ەنگىزى­لىپ جاتقانىن بايانداماس بۇرىن، الداعى 29 جەلتوقساننان باستاپ رەسەيگە 90 كۇننەن ارتىق ساپارلاعان قازاقستاندىقتار ەسىرتكىگە تاۋەلدى ەمەس ەكەندىگى مەن ءتۇرلى جۇقپالى اۋرۋلاردان، ونىڭ ىشىندە ايتۆ-دان ادا ەكەنىن ايعاقتايتىن انىقتاما قاعازىن الۋى ءتيىس.

ال قازاقستاندا العاش رەت قانات­قاقتى رەجىمدە ايتۆ-مەن ءومىر سۇرەتىن ادام­داردا تۋ­بەركۋلەزدى ەرتە دياگ­نوس­تيكا­لاۋدىڭ جاڭا ءادىسىن ەنگىزۋ باس­تالدى.

الماتى قالاسىنىڭ جيتس الدىن الۋ جانە وعان قارسى كۇ­رەس ورتالىعىندا ايتۆ ىندە­تىن باقىلاۋ جونىندەگى الماتى مودەلى جوباسىنىڭ قولداۋىمەن ارناۋلى لام تب تەستىسىن پايدالانا وتىرىپ، ادام يممۋنتاپشىلىعى ۆيرۋسىمەن ءومىر سۇرەتىن ادامداردان تۋبەركۋلەزدى ەرتە دياگنوستيكالاۋ ىسكە اسىپ وتىر. بۇل ءادىستى ددۇ بايقالمايتىن كلينيكالىق كورىنىسى بار پاتسيەنتتەردە وكپە جانە وكپەدەن تىس تۋبەركۋلەزدى ەرتە دياگنوستيكالاۋدىڭ قوسىم­شا ءادىسى رەتىندە ۇسىنادى.

«تۋبەركۋلەزدى ەرتە دياگنوس­تيكالاۋ جانە ۋاقتىلى ەمدەۋ ايتۆ-احۋالدى ادامداردىڭ ءومىرىن ۇزارتىپ، دەنساۋلىعىن ساقتاۋعا مۇمكىندىك بەرەدى. ويت­كەنى ايتۆ-ينفەكتسياسى – تۋبەركۋلەزدى ورشىتەتىن ەڭ كۇشتى، قاۋىپتى فاكتور عانا ەمەس، وسى ۆيرۋستى جۇقتىرعانداردى اجالى جەتپەي، توپىراققا جەتەلەي­تىن باس­تى سەبەپتىڭ ءبىرى»، دەيدى جيتس الدىن الۋ جانە وعان قار­سى كۇرەس ورتالىقتىڭ باس دارى­گەرى مارات توكەەۆ.

ليپوارابينوماننان (لام) ءزار اناليزىنە ارنالعان سى­ناق جولاقتارى تب-نى ءاوسا اراسىندا جانە ايتۆ دامۋىنىڭ كەش ساتىسىندا دياگنوز قويۋ­عا مۇمكىندىك بەرەدى. بۇل تەس­تەردى قولدانۋ وڭاي ءارى تەگىن. دياگ­نوستيكانىڭ جاڭا ءادىسىنىڭ تاعى ءبىر ارتىقشىلىعى – ايتۆ-مەن اۋىراتىن ناۋقاستاردىڭ قا­قىرىعىندا باكتەريالىق اۋىرت­پالىق از بولاتىندىقتان، بۇل ميكروسكوپيانىڭ تەرىس ناتي­جەلەرىنىڭ جيىلىگىنىڭ جو­عارى­لاۋىنا اكەلەدى.

وسى باستاماعا وراي، جيتس ورتالىعىنىڭ مەديتسي­نا قىز­مەتكەرلەرى ارنايى وقۋ­دان ءوتىپ، تب لام تەستىلەرىن قول­دا­نۋدىڭ الگوريتمدەرى مەن نۇس­قاۋلىقتارى كەلىسىلىپ، بەكىتىلدى.

2021 جىلدىڭ ءبىرىنشى قارا­شاسىنداعى رەسمي دەرەكتەرگە ساي­كەس، الماتى قالاسىنىڭ جيتس ورتالىعىندا ايتۆ-مەن ءومىر سۇ­رەتىن 3 810 ادام ەسەپتە تۇر.

 

الماتى

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار