پوليتسيا دەپارتامەنتىنىڭ مالىمەتىنە سۇيەنسەك, «102» جەدەل ارناسىنا 21 جاستاعى قالا تۇرعىنى حابارلاسقان.
ونىڭ ايتۋىنشا, دۋلاتوۆ كوشەسىنىڭ بويىندا ءوزىن اڭگىمەگە تارتقان بەيتانىس جىگىت جۇرگىزۋشى كۋالىگىن جاساپ بەرە الاتىنىن ايتىپ, 100 مىڭ تەڭگە سۇراعان.
بۇعان سەنگەن ازامات الاياققا سۇراعان اقشاسىن بەرە سالعان.
«جەدەل-ىزدەستىرۋ شارالارىن جۇرگىزگەن پوليتسيا قىزمەتكەرلەرى كوپ ۇزاماي كۇدىكتىنى ۇستادى. ول 22 جاستاعى جەرگىلىكتى تۇرعىن بولىپ شىقتى. كىناسىن مويىنداعان ەر ادام اقشانى ءوز قاجەتتىلىكتەرىنە جۇمساپ ۇلگەرگەن», دەپ حابارلادى ۆەدومستۆو وكىلدەرى.
قازىرگى ۋاقىتتا اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 190-بابى 1-بولىگىنە سايكەس سوتقا دەيىنگى تەرگەۋ امالدارى باستالدى.
