تاراتىلعان اقپاراتقا قاراعاندا وزبەكستان پرەزيدەنتى شاۆكات ميرزيوەۆ بەيىندى ۆەدومستۆولارعا وسىعان قاتىستى ناقتى تاپسىرما جۇكتەگەن.
وزبەكستان پرەزيدەنتىنىڭ اتاپ وتۋىنشە, تاشكەنتتە, سامارقاند پەن بۇقارادا tax free جۇيەسىن ەنگىزۋ, سونىمەن قاتار قالالاردا Duty Free دۇكەندەرىن اشۋ ارقىلى جەكە ساۋدا-ساتتىق كولەمىن ەكى-ءۇش ەسە ارتتىرۋعا بولادى.
«تولىقتاي العاندا, شەتەلدىك قوناقتاردىڭ ساتىپ العان زاتتارىنا قوسىلعان قۇن سالىعىن قايتارۋ جۇيەسىن بارلىق تۋريستىك قالالاردا ەنگىزۋ قاجەت. وسى ءۇش قالانىڭ مىسالىندا كورسەتىلگەن مۇمكىنشىلىكتەر بارلىق وبلىس ورتالىقتارى مەن ءىرى قالالار ءۇشىن وزەكتى», دەدى شاۆكات ميرزيوەۆ.
ايتا كەتەيىك, وزبەكستاندا شەتەلدىكتەردىڭ ساتىپ العان زاتىنا قوسىلعان قۇن سالىعىنىڭ سوماسىن قايتارۋ جۇيەسىن ەنگىزۋ تۋرالى جوسپار 2019 جىلى كوتەرىلگەن بولاتىن.
وزبەكستان قارجى مينيسترلىگى اتالعان جۇيەنى 2020 جىلدىڭ 1 شىلدەسىنەن ەنگىزۋدى كوزدەگەن ەدى. الايدا كوروناۆيرۋس پاندەمياسىنا بايلانىستى ونى ەنگىزۋ مەرزىمى كەيىنگە شەگەرىلگەن.
