شەتەلدىك كورەرمەندەردى تامساندىرعان «FORTE-TRIO» مەملەكەتتىك تريوسىنىڭ بۇل كونتسەرتى قازاقستان تاۋەلسىزدىگىنىڭ 30 جىلدىق مەرەيتويىنا ارنالعان حالىقارالىق گاسترولدەر اياسىندا ءوتتى. قازاقستاندىق ارتىستەر پاريج تورىندە ورنالاسقان ايگىلى سortot زالىندا ونەر كورسەتتى.
عاسىرعا جۋىق تاريحى بار, اكۋستيكاسى ەرەكشە بۇل كونتسەرتتىك زالدى الەمدىك كلاسسيكالىق ونەردىڭ جارىق جۇلدىزدارى ەرەكشە باعالايدى. FORTE-TRIO كونتسەرتى تۋرالى وسىدان ءبىراز ۋاقىت بۇرىن سortot زالىنىڭ سايتىندا جاريالانعان افيشا كورەرمەن نازارىنا بىردەن ىلىكتى. تريونىڭ شەبەرلىگى قازاقستاندىق ارتىستەردىڭ ونەرىن تاماشالاۋدى اسىعا كۇتكەن كورەرمەندەردىڭ كوڭىلىنەن شىقتى.
تريو ارتىستەرى – قازاقستاننىڭ ەڭبەك سىڭىرگەن قايراتكەرى, ۇجىمنىڭ نەگىزىن قالاۋشى تيمۋر ۋرمانچەەۆ (فورتەپيانو), حالىقارالىق بايقاۋلاردىڭ لاۋرەاتتارى مۇرات ناربەكوۆ (ۆيولونچەل) پەن شولپان مانكەەۆا (سكريپكا) وتاندىق مۋزىكالىق ونەردى جوعارى دەڭگەيدە كورسەتە ءبىلدى.
ۇلتتىق جانە الەمدىك كلاسسيكالىق رەپەرتۋاردان تۇراتىن كونتسەرتتىك باعدارلاما تالعامپاز شەتەلدىك كورەرمەندى بىردەن باۋراپ الدى. ارتىستەر حالقىمىزدىڭ ۇلتتىق قۇندىلىقتارى كورىنىس تاپقان «ياپۋراي» جانە «كوروعلى» تۋىندىلارىن ۇسىندى. سونداي-اق س.راحمانينوۆ, ك.دەبيۋسسي, ي.برامس سىندى الەمدىك كومپوزيتورلارىنىڭ ۇزدىك شىعارمالارى ورىندالدى. تريو ەۋرازيا كەڭىستىگىندە ورنالاسقان ۇجىم رەتىندە ءتۇرلى مۋزىكالىق باعىتتاردى شەبەر يگەرگەنىن تاعى دا دالەلدەي ءتۇستى. ىستىق ىقىلاسىن اياماعان تىڭدارمان ارتىستەرگە زور قوشەمەت كورسەتىپ, بىرنەشە رەت بيسكە شاقىردى. كونتسەرتكە ارنايى شاقىرىلعان قازاقستاننىڭ فرانتسۋز رەسپۋبليكاسىنداعى ەلشىسى جان عاليەۆ, «حابار» اگەنتتىگى» اق باسقارما توراعاسى ەرلان بەكحوجين, يۋنەسكو وكىلدەرى كونتسەرتكە جوعارى باعاسىن بەردى.
تريونىڭ فرانتسياداعى گاسترولدىك ساپارى 23 جەلتوقسانعا دەيىن جالعاسادى. كەلەسى كونتسەرتتەر Theatre de la sinne (ميۋلۋز, 16 جەلتوقسان) تەاترىندا, مەريانىڭ تاريحي سارايىندا (نانسي, 17 جەلتوقسان) جانە اتاقتى «موliere» زالىندا (ليون, 22 جەلتوقسان) وتەدى. ەسكە سالساق, «Forte Trio» – ەلىمىزدەگى بەلگىلى كامەرالىق-اسپاپتىق انسامبلدەردىڭ ءبىرى. تريونىڭ شىعارماشىلىعى قازاقستاندا دا, شەتەلدە دە كەڭىنەن تانىلعان. Forte Trio مادەنيەت جانە سپورت مينيسترلىگىنە قاراستى «روزا باعلانوۆا اتىنداعى «قازاقكونتسەرت» مەملەكەتتىك كونتسەرتتىك ۇيىمىنىڭ قۇرامىن كىرەدى.
