سالتاناتتى اشىلۋ راسىمىندە نۇر-سۇلتان قالاسىنىڭ ىشكى ساياسات باسقارماسىنىڭ باسشىسى داۋرەن بابامۇراتوۆ قاتىسۋشىلاردى تاۋەلسىزدىكتىڭ 30 جىلدىعىمەن قۇتتىقتادى.
«نۇر-سۇلتاننىڭ دوستىق ءۇيى قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان كوپتەگەن جانە مازمۇندى ءىس-شارالاردى وتكىزۋ ورتالىعىنا اينالدى. بيىلعى جىل قر تاۋەلسىزدىگىنىڭ 30 جىلدىعىنا وراي 30 يگى ءىس اياسىندا تۇرمىسى تومەن جاندارعا ازىق-ت ۇلىك سەبەتتەرىن تاراتۋمەن باستالعانى جانە وعان نۇر-سۇلتان قحا تىكەلەي قاتىسقانى بارىمىزگە ءمالىم. جىل باسىنان بەرى 5 مىڭنان استام سەبەت تاراتىلدى. مەن بۇل باستامانى قولداپ, قولداعان بارلىق دەمەۋشىلەر مەن مەتسەناتتارعا ۇلكەن العىسىمدى بىلدىرگىم كەلەدى», دەدى ول.
راسىمگە قاتىسۋشىلار قازاقستان رەسپۋبليكاسىنىڭ پرەزيدەنتى – قازاقستان حالقى اسسامبلەياسىنىڭ توراعاسى قاسىم-جومارت توقاەۆتىڭ مەرەيتويلىق مەدالدارىن, قۇرمەت گراموتالارىن, نۇر-سۇلتان اكىمى التاي كولگىنوۆتىڭ, نۇر-سۇلتان اكىمىنىڭ ورىنباسارى اسحات ورالوۆتىڭ العىس حاتتارىن, «قازاقستان رەسپۋبليكاسىنىڭ تاۋەلسىزدىگىنە 30 جىل» مەرەكەلىك مەدالدارىن, قازاقستان حالقى اسسامبلەياسىنىڭ «بىرلىك» قوعامدىق مەدالدارىن الدى.
سالتاناتتى شاراعا مەملەكەتتىك ورگانداردىڭ, قايىرىمدىلىق ۇيىمدارىنىڭ, ەتنومادەني بىرلەستىكتەردىڭ وكىلدەرى, قايىرىمدىلىق جاساۋشىلار مەن مەتسەناتتار قاتىستى.
