سالتاناتتى ءىس-شاراعا كەلگەن ۇلكەندەر ء«بىزدىڭ زامانىمىزدا دا وسىنداي كىتاپحانا بولسا شە...» دەپ قىزىعىپ جاتتى. قىزىقسا, قىزىققانداي-اق. كەڭ, جارىق. كىتاپ وقۋعا جايلى ورىن. قولى قالت ەتكەن ستۋدەنت, مۇعالىم ادەبيەت زالىنا بارىپ, رۋحاني ءبىلىمىن تولىستىرىپ, تىنىعىپ قايتۋىنا ابدەن بولادى. كىتاپحاناشىلاردىڭ ايتۋىنشا, زال قورىندا 20 مىڭنان استام كىتاپ بار. ونىڭ ىشىندە پروزا مەن پوەزيا, زاماناۋي بەستسەللەرلەر, رەسەيلىك جانە شەتەلدىك كلاسسيكا, تاريحي روماننىڭ, فانتاستيكا مەن دەتەكتيۆتىڭ تانىمال جانرلارىنداعى باسىلىمدار بار. سونداي-اق اباي قۇنانباي ۇلى, مۇحتار اۋەزوۆ, ءىلياس ەسەنبەرلين, شاكارىم قۇدايبەردى ۇلى, شىڭعىس ايتماتوۆ, ومار حايام, دجوردج بايرون, ۋيليام شەكسپير سىندى كورنەكتى اۆتورلاردىڭ شىعارمالارى جينالعان.
– ءبىز ءبىلىم الىپ جاتقان وقۋ ورنىندا وسىنداي كىتاپحانانىڭ اشىلىپ جاتقانىنا قۋاندىق. كەشكىلىك ساباقتان بوساعان سوڭ ءبىر كىرىپ شىعۋ ادەت بولىپ كەتەتىن سياقتى. سەبەبى, مۇندا باس كوتەرمەي كىتاپ وقيتىنداي اتموسفەرا بار. جايلى, ىڭعايلى. راس, كىرسە, شىققىسىز, – دەيدى مەنەدجمەنت فاكۋلتەتىنىڭ 4-كۋرس ستۋدەنتى توميريس توحتاربەكوۆا.
«جاڭا گۋمانيتارلىق ءبىلىم. قازاق تىلىندەگى 100 جاڭا كىتاپ» جوباسى بويىنشا كىتاپتار قولجەتىمدى بولسا, اباي بۇرىشىنا كىتاپ كورمەسى ۇيىمداستىرىلعان. ال ءبىلىم بەرۋ باعدارلامالارىنا ەنگىزىلگەن جاڭا وقۋلىقتار, وقىتۋشىلار مەن ستۋدەنتتەر ءۇشىن تاپتىرماس وقۋلىقتار.
ايتا كەتەرلىگى, ءبىلىم عيباداتحاناسىندا 3 مىڭنان استام كىتاپتىڭ ەلەكتروندى كاتالوگى بار. پايدالانۋشىلار ادەبيەتتەردى وزدەرى الىپ, بەلگىلى ۋاقىتتا قايتارا الادى. ءوز-وزىنە قىزمەت كورسەتۋ تەرمينالىندا ءوزىن ءوزى سايكەستەندىرۋ پۋنكتى, كوپفۋنكتسيالى ايماقتار, ستاتسيونارلىق باكتەريتسيدتى شامدار, اقپاراتتىق رەسۋرستار ورناتىلعان.
شىعىس قازاقستان وبلىسى
