ماسەلەن, ەۋرازيالىق ەكونوميكالىق وداققا مۇشە بولىپ تابىلمايتىن مەملەكەتتەردەن قازاقستان اۋماعىنا اكەلۋ مەن اكەتۋگە قورىتىندى (رۇقسات بەرۋ قۇجاتتارىن) الۋ ءۇشىن زاڭدى تۇلعالار مەديتسينالىق قىزمەتتەر كورسەتۋ سالاسىنداعى مەملەكەتتىك ورگاننىڭ اۋماقتىق دەپارتامەنتتەرىنە egov.kz, elicense.kz «ەلەكتروندىق ۇكىمەتتىڭ» ۆەب-پورتالى ارقىلى ادامنىڭ بيولوگيالىق ماتەريالدارىنىڭ, گەموپوەزدىك ءدىڭ جاسۋشالارىنىڭ, سۇيەك كەمىگىنىڭ, دونورلىق ليمفوتسيتتەردىڭ, جىنىستىق جاسۋشالار مەن ەمبريونداردىڭ ۇلگىلەرىن,ء وتىنىش پەن مەملەكەتتىك قىزمەت ستاندارتىندا كورسەتىلگەن قۇجاتتار ءتىزىمىن جىبەرەدى.
بۇل رەتتە جىنىستىق جاسۋشالار مەن ەمبريونداردى, گەموپوەزدىك ءدىڭ جاسۋشالارىن (سۇيەك كەمىگىن), دونورلىق ليمفوتسيتتەردى اكەلۋ جانە اكەتۋ قورىتىندىلارى جەكە تۇلعالارعا بەرىلمەيدى.
قۇجاتتاردى قاراۋدىڭ جانە رۇقسات بەرۋ قۇجاتىن بەرۋدىڭ جالپى مەرزىمى ءبىر جۇمىس كۇنىن قۇرايدى.
ەاەو مۇشە بولىپ تابىلمايتىن مەملەكەتتەردەن قازاقستان اۋماعىنا اكەلۋگە جانە ەل اۋماعىنان وسى مەملەكەتتەرگە ادامنىڭ بيولوگيالىق ماتەريالدارىنىڭ ۇلگىلەرىن, گەموپوەزدىك ءدىڭ جاسۋشالارىن, سۇيەك كەمىگىن, دونورلىق ليمفوتسيتتەردى, جىنىستىق جاسۋشالار مەن ەمبريونداردى اكەلۋگە رۇقسات بەرۋ قۇجاتى رەسپۋبليكا شەكاراسى ارقىلى ءبىر رەت اۋىستىرۋعا بەرىلەدى.
شاعىمدى مەملەكەتتىك قىزمەتتەر كورسەتۋ ماسەلەلەرى بويىنشا سوتقا دەيىنگى تارتىپپەن قاراۋدى جوعارى تۇرعان اكىمشىلىك ورگان, مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگان ول تىركەلگەن كۇننەن باستاپ 15 جۇمىس كۇنى ىشىندە جۇرگىزەدى.
قۇجاتتىڭ تولىق ماتىنىمەن مىنا سىلتەمە ارقىلى تانىسۋعا بولادى.
بۇيرىق 2021 جىلعى 24 جەلتوقساننان باستاپ قولدانىسقا ەنگىزىلەدى.
