تسويدىڭ ايتۋىنشا, «سپۋتنيك V» ەكپەسى رەۆاكتسيناتسياعا جارامايدى.
«سپۋتنيك V» ەكپەسىن سالۋ مۇمكىن ەمەس, سەبەبى ول ەكى ءتۇرلى قۇرامداس بولىكتەن تۇرادى. ال رەۆاكتسيناتسيا كەزىندە قۇرامى بىردەي ەكپە عانا سالىنۋى كەرەك. «سپۋتنيك V» ەكپەسىنىڭ ءبىرىنشى جانە ەكىنشى كومپونەنتتەرى ءارتۇرلى», دەپ ءتۇسىندىردى تسوي ۇكىمەت وتىرىسىنان كەيىن جۋرناليستەردىڭ قويعان سۇراقتارىنا.
مينيستر جاقىندا كەلەتىن «سپۋتنيك لايت» ەكپەسى رەۆاكتسيناتسيا ءۇشىن قولايلى ەكەنىن ايتتى.
«جاقىندا «لايت» كەلەدى. ول كەلگەننەن كەيىن ول رەۆاكتسيناتسيا ءۇشىن دە قولجەتىمدى بولادى. قازىر ءبىز جەتكىزۋ بويىنشا كەلىسسوزدەر جۇرگىزىپ جاتىرمىز. جاقىن ارادا نە وزىمىزدە شىعارامىز (قاراعاندىداعى فارماتسەۆتيكالىق زاۋىت), نەمەسە رەسەيدەن اكەلەمىز», دەپ ءتۇسىندىردى مينيستر.
