اتا-انالار وقۋلارى ء«وزىن ءوزى تانۋ» رۋحاني-ادامگەرشىلىك ءبىلىم بەرۋ باعدارلاماسىنىڭ اۆتورى سارا نازارباەۆانىڭ بەينەدارىسىمەن اشىلدى. سارا الپىسقىزى قۇتتىقتاۋ ءسوزىن ايتىپ, اتا-انالاردىڭ بالا تاربيەسىندە الاتىن ورنىنىڭ ماڭىزدىلىعىنا توقتالدى.
ء«اربىر بالا وزىنشە شاعىن عارىش, الەم دەسەدى. ول بۇل دۇنيەگە جاي عانا ەمەس, ءوزىنىڭ ەرەكشە مىندەتىمەن كەلەدى. ادام بالاسى دەگەنىمىز – جوعارى دۇنيەدەن جەر بەتىنە جىبەرىلگەن تىرشىلىك يەسى. بارلىق بالالاردىڭ قايتالانباس دارىندى ەكەنىنە, بارلىعىن جاراتۋشى تالانتتان كەندە ەتپەگەنىنە مەيلىنشە سەنەمىن. ءبىز تەك بالا بويىنداعى سول قاسيەتتى تاۋىپ, اشا بىلمەيمىز, ونى اشۋعا ۇمتىلمايمىز. تەك تولىققاندى تۇتاس رۋحانياتپەن سۋسىنداعان تاربيە عانا ادامنىڭ تۇيىق قالپىن جەكە تۇلعا دەڭگەيىنە كوتەرىپ شىعارۋعا قابىلەتتى», دەدى س.نازارباەۆا.
اتا-انالار وقۋلارىندا حالىقارالىق گۋماندى پەداگوگيكا ورتالىعىنىڭ پرەزيدەنتى, اكادەميك, پروفەسسور, پسيحولوگيا عىلىمدارىنىڭ دوكتورى شالۆا اموناشۆيلي وسىنداي وقۋلاردىڭ وتكىزىلۋى قازىرگى تاڭداعى قاجەت ماسەلەلەردىڭ ءبىرى ەكەنىن اتاپ ءوتتى.
«باستى ماقسات – مەيىرىمدى جانە قايىرىمدى ادام تاربيەلەۋ. ەگەر اتا-اناسى وعان ۇلكەن مۇرا قالدىرماسا, مەيىرىمدى دە قايىرىمدى ادام جوعالىپ كەتە مە؟ ارينە, جوق, ويتكەنى ونىڭ رۋحاني قۇندىلىقتارى بار. كەز كەلگەن بالا سۇلۋلىق سەزىمىمەن تۋىلادى. ال اتا-انالار بۇل سەزىمدى قولداپ, دامىتۋى كەرەك. بۇل نەنى بىلدىرەدى؟ اينالانى ءسوز سۇلۋلىعىمەن, ۇيدەگى قولايلى اتموسفەرامەن, جىلى وتباسىلىق مەيىرىممەن تولتىرۋ. سويلەۋ – جاراتۋشىنىڭ بەرگەن ۇلكەن سىيى, سوندىقتان بوس اڭگىمەگە ۋاقىتىڭىزدى كەتىرمەڭىز. دانالىقتى سوزبەن جەتكىزىڭىز, سۇيۋگە, كەشىرۋگە, جاناشىرلىققا, رۋحاني دامۋعا باۋلىڭىز, سوندا بالا جاقسى ءسوز ارقىلى وسەدى» دەپ شالۆا اموناشۆيلي قۇندى ۇستانىمدارىمەن ءبولىستى.
سونداي-اق وقۋلاردى وتكىزۋ بارىسىندا ورتا ءبىلىم بەرۋ باسشىلارى, ءوزىن ءوزى تانۋ مۇعالىمدەرى, اتا-انالار زاماناۋي تاربيەنىڭ ماڭىزدى تاقىرىپتارى مەن ماسەلەلەرى, اتا-انالاردىڭ ءرولى جانە وتباسىنىڭ رۋحاني قۇندىلىقتارى اياسىندا ويلارىمەن ءبولىسىپ, باياندامالارىن كوپشىلىككە ۇسىندى. كوپشىلىك تاراپىنان وسىنداي وتە ماڭىزى بار اتا-انالار وقۋلارىنىڭ الداعى ۋاقىتتا دا ءوتۋىن قالايتىندىقتارىن ءبىلدىردى.
وقۋلار ZOOM پلاتفورماسىندا ونلاين رەجىمدە ءوتتى, Fasebook-تەگى ء«وزىن ءوزى تانۋ. بوبەك» پاراقشاسىندا وقۋلاردىڭ تىكەلەي ترانسلياتسياسى بولدى. ZOOM پلاتفورماسىندا جانە تىكەلەي ەفيردە شامامەن 2000 ادام قاتىستى.
ەلەنا لوسەۆا,
«بوبەك» ورتالىعى باس ديرەكتورىنىڭ ورىنباسارى
