كەلەسى جىلى الماتىدا تاۋەلسىزدىكتىڭ ءبىر جىلدىعىنا ارنالعان سالتاناتتى جيىن بولدى. ءبىزدىڭ وبلىستان بارعان دەلەگاتسيانىڭ اراسىنان جالعىز مەنى تورالقاعا وتىرعىزدى. ءبارىمىزدىڭ باققانىمىز, سوزدەرىن قالت جىبەرمەي تىڭداعانىمىز نۇرسۇلتان ءابىش ۇلى بولدى. ول باسقا ماسەلەلەرمەن قاتار كەشىكپەي جەكەشەلەندىرۋ باستالىپ, بارلىق كاسىپورىندار جەكەمەنشىككە بەرىلەتىنىن دە ايتتى. ول جىلداردا ءبىز «شارۋاشىلىق ەسەپ» ادىسىنە كوشىپ, كاسىپورنىمىز اجەپتاۋىر تابىس تاۋىپ تۇرعان. ەندى پرەزيدەنت ءبارىن دە جەكەشەلەندىرۋدى تالاپ ەتتى. بارلىق مال-م ۇلىك, قۇرال-سايماندار ۇجىم مۇشەلەرىنە ءتيىستى پايعا سايكەس ءبولىپ بەرىلۋى كەرەك ەكەن. ال جەكە شارۋالار ونى كەلىسىممەن قوسىپ, كووپەراتيۆ نەمەسە باسقا فورماداعى شارۋاشىلىق قۇرادى دەگەن تالاپ ايتىلدى. شىنى كەرەك, ول كەزدە ءبىز ونى تولىق قابىلدامادىق, بىراق نارىقتىق ەكونوميكانىڭ تالابى وسى ەكەنىنە ارتىنان كوزىمىزدى جەتكىزدىك.
ەلباسى ءوزىنىڭ ماقالاسىندا «دۇنيەدە ەكونوميكالىق دامۋ مەن دەموكراتيانىڭ الۋان فورماسى بولسا دا, ونىڭ ءدال سول كۇيىندە كوشىرىپ الا قوياتىن ورتاق ۇلگىسى جوق. ءبىز الەمدىك تاجىريبەنى قورىتىپ, ءوز ەرەكشەلىكتەرىمىز بەن مۇمكىندىكتەرىمىزدى ەسكەرىپ, «قازاقستان-2030» ستراتەگياسىن تۇزدىك» دەپ جازىپتى. شىن مانىندە تۋرا كوشىرىپ الاتىن ۇلگى جوق ەدى, سوندىقتان جاڭا جول جاساۋعا تۋرا كەلدى. وسى جولدا تۇڭعىش پرەزيدەنتىمىز قيىننان قيىستىرىپ وزىندىك جول تاۋىپ, ەلىمىزدى ەكونوميكالىق تىعىرىقتان امان الىپ شىقتى.
ەسكەندىر ەلەۋسىزوۆ,
وبلىستىق ارداگەرلەر كەڭەسىنىڭ توراعاسى
سولتۇستىك قازاقستان وبلىسى
