ايماقتار • 13 جەلتوقسان، 2021

ءتورت قالادا «تىلەكتەر اعاشى» بار

113 رەت كورسەتىلدى

كەۋدەسىندە جانى بار ءاربىر ادامنىڭ ارمانى بار. ەگەر ول ارمانداردى ورىنداۋ ادامنىڭ قولىندا بولسا، وندا نەگە تىلەكتەرىنە ءوز بەتىنشە جەتە المايتىن مۇقتاج جاندار مەن كىشكەنتايلاردىڭ العىس-ساۋابىنا بولەنبەسكە؟!

الدىمەن «تىلەكتەر اعا­شى» قايىرىمدىلىق اكتسياسى قازاقستاندا 2014 جىلدان بەرى وتكىزىلىپ جۇرگەنىن، جىل سايىن بالالاردىڭ تىلەكتەرى كوبەيىپ كەلە جاتقانىن ايتا كەتۋ كەرەك. ەڭ باستىسى، كومەكتەسۋگە نيەت بىلدىرۋشىلەردىڭ دە سانى دا ءوسىپ كەلە جاتقانى قۋان­تادى.

سونىمەن 3 جەلتوقساندا Charity Wish Tree قوعامدىق قو­رى قازاقستاننىڭ 4 قالا­سىندا «تىلەكتەر اعاشى» قا­يى­رىمدىلىق اكتسياسىن ىسكە قوستى. بۇل شارانىڭ باستى ماقساتى – مۇقتاج وتباسىلاردان شىققان بالالاردىڭ جاڭا جىلدىق تىلەكتەرىن ورىنداۋ، جاڭا جىل قارساڭىندا ادام­­دارعا ءبىر ءتۇيىر بولسا دا جاق­­سىلىق سىيلاۋ.

قايىرىمدىلىق اكتسيا­سىنا كوپبالالى، از قام­تىل­عان، پاترونات وتباسىلار، جالعىزىلىكتى وتباسىلار، سون­داي-اق مۇمكىندىگى شەكتەۋلى بالا­لاردى تاربيەلەپ وتىرعان جان­دار قاتىسىپ جاتىر. اكتسيا 16 جاسقا دەيىنگى بالالاردى قامتيدى، ال دامۋىندا كىناراتى بار بالالار ءۇشىن جاس شەكتەۋلەرى جوق.

جوبا بيىل قازاقستاننىڭ ءتورت قالاسى الماتى، نۇر-سۇل­­تان، شىمكەنت جانە قارا­عان­­دىدا ىسكە اسىرىلادى.

– بالالاردىڭ قالاۋى ءار­­تۇرلى – بۇل تەك ماشينا، قۋ­ىر­­­شاق نەمەسە باسقا زات­تار دا ەمەس. تىلەك ارمان­مەن بايلا­نىس­تى بولۋى دا مۇم­­كىن. مى­سالى، ۆيكتوريا ەسىم­دى بالالار ءۇيىنىڭ تار­بيە­لەنۋ­شىسى ستيۋاردەسسا بولۋ­دى ارماندادى، بۇل تۋ­­رالى بىزگە جازىپ، كەيىن ونىڭ تى­لەگى ورىندالدى – وت­كەن جىلى ول فورماسىن كيىپ، ناعىز بورتسەرىكتەردىڭ قام­­قورلىعىمەن وسى مامان­دىقتىڭ ىشكى اسحاناسىن كورە الدى. بالالارعا مەرەكە سىي­لا­عىسى كەلەتىن كەز كەلگەن ادام ءوزى ورىنداي الاتىن جانە جا­عىمدى ەموتسيالار تۋدى­راتىن تىلەكتى تاڭ­داي الادى، – دەيدى جوبا­نىڭ نە­گىزىن قالاعان ديانا كا­مالادين.

ايتقانداي، جوباعا قاتى­سۋشىلار از قامتىلعان، ەرەكشە بالالارى بار وتباسىلارى، «مەن سەنىمەن بىرگەمىن» ءحوس­پيسى، SOS بالالار اۋىلى بالالارىنىڭ ارماندارىن ورىنداي الادى.

«قازىر ءبىز بالالاردىڭ ما­تەريالدىق ەمەس تىلەكتەرىنە نازار اۋدارامىز، ءبىز بالانىڭ ارمانىن ورىنداعىمىز كەلەدى، مۇنداي بالالارعا شاتتىق سىيلايتىن كوڭىل-كۇي بالالاردىڭ دامۋىنا وڭ ىقپال ەتەدى. بيىل بىزدە اكۆاپارككە ساياحات، تاۋعا شىعۋ، باو-عا ساياحات سياقتى ەرەكشە تىلەكتەر بار»، دەيدى ديانا.

ۇيىمداستىرۋشىلاردىڭ ايتۋىنشا، كوپ ۇزاماي جوبا ءوز قوسىمشاسىن ىسكە قوسادى، بۇل جوبانى ونلاين رەجىمىندە تاسىمالداۋعا مۇمكىندىك بە­رەدى.

الماتىداعى اكتسيا «مە­گا» ويىن-ساۋىق، ساۋدا ور­تالىعىندا باستالدى. ساۋاپ­قا بو­لەنگىسى كەلەتىندەر تىلەك-حات­تاردى اعاشتان 3 جەل­توق­ساننان باستاپ 12 جەلتوق­سانعا دەيىن «ج ۇلىپ» الۋعا بولادى.

 

الماتى

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار