ايماقتار • 12 جەلتوقسان، 2021

الماتىدا «جەلتوقسان» ەسكەرتكىشىنىڭ ىرگەتاسى قالاندى

58 رەت كورسەتىلدى

تاۋەلسىزدىكتىڭ 30 جىلدىعى اياسىندا الماتى قالاسىنداعى «جەلتوقسان» ساياباعىندا بولاشاق ەسكەرتكىشتىڭ ىرگەتاسى قالاندى، دەپ جازادى Egemen.kz.

تۇركسىب اۋدانىنداندا تالايلاردى تەبىرەنترىپ وتكەن وقيعاعا جەلتوقسان بىرلەستىكتەرىنىڭ وكىلدەرى، قوعام قايراتكەرلەرىمەن بىرگە زيالى قاۋىم قاتىستى.

وسى باستامانىڭ ورتاسىنان تابىلعان الماتى قالاسى اكىمىنىڭ ورىنباسارى ەرجان باباقۇماروۆ بولاشاق مونۋمەنتتىڭ ىرگەتاسىنىڭ قالانۋى «جەلتوقسان» ساياباعى اشىلعاننان ءبىر جىل وتكەن سوڭ جانە جەلتوقسان وقيعاسىنىڭ 35 جىلدىعىنا  ورايلاستىرىلعانىن اتاپ ءوتتى.

ء «بىر جىل بۇرىن ءبىز تاۋەلسىزدىكتىڭ 30 جىلدىعىن مەرەكەلەۋگە دايىندىققا كىرىستىك. «جەلتوقسان»ساياباعىنىڭ ورنى مەن اتاۋى جەلتوقسان بىرلەستىكتەرىنىڭ وكىلدەرىمەن بىرگە انىقتالدى. الماتى اكىمى ب. ساعىنتاەۆ مونۋمەنتتى ورناتۋ تۋرالى ءتيىستى شەشىم قابىلدادى. بۇل كۇن ءبىزدىڭ قالامىزدىڭ تاريحىنداعى ماڭىزدى وقيعا بولاتىنىنا سەنىمدىمىن»، – دەدى قالا اكىمىنىڭ ورىنباسارى.

«ساياباقتىڭ اشىلۋى، بولاشاقتا ەسكەرتكىش ورناتۋ – بۇل جەلتوقسان باتىرلارىنا قۇرمەت قانا ەمەس، ولاردىڭ ەرلىكتەرىن ماڭگى ەستە ساقتاۋ، بولاشاق ۇرپاققا جەتكىزۋ. «جەلتوقسان» ساياباعى ۇلكەن ءارى وعان كەلەتىندەر دە كوپ بولادى – ونى اباتتاندىرۋ جۇمىستارى جالعاسۋدا. بۇرىن بۇل قاراۋسىز قالعان سكۆەر بولاتىن، ال ەندى قالا تۇرعىندارى جاڭا قوعامدىق كەڭىستىكتى ارالاي وتىرىپ، ءبىزدىڭ حالقىمىزدىڭ تاريحىمەن تانىسادى»، –- دەپ اتاپ ءوتتى ە. باباقۇماروۆ جينالعانداردى كەلە جاتقان تاۋەلسىزدىك كۇنىمەن قۇتتىقتادى.

قازىرگى ۋاقىتتا «جەلتوقسان» ەسكەرتكىشىنىڭ ەسكيزىن ازىرلەۋگە كونكۋرس جاريالاندى.

بۇل كۇنى «جەلتوقسان» ساياباعىندا اشىق اسپان استىنداعى مۇراجاي دا اشىلدى. ەكسپوزيتسيالاردا جەلتوقسان وقيعاسىنىڭ كەيىپكەرلەرى، تاريحي قۇجاتتار، سونداي-اق 1986 جىلعى كوتەرىلىسكە قاتىسۋشىلار تۋرالى باياندايتىن فوتوماتەريالدار ۇسىنىلعان.

ىرگەتاسىن قالاۋ راسىمىنە قاتىسقان قازاقستان جازۋشىلار وداعىنىڭ توراعاسى ۇلىقبەك ەسداۋلەت وتكەن جىلى وسى جەردە «جەلتوقسان» ساياباعىنىڭ اشىلۋى وتكەنىن ەسكە الدى.

«ىرگەتاستىڭ قالانۋى الماتى اكىمدىگىنىڭ جەلتوقسان وقيعاسىن ماڭگى ەستە قالدىرۋ جونىندەگى جۇمىسىنىڭ قيسىندى جالعاسى بولدى. 1986 جىلعى جەلتوقسان كوتەرىلىسى – كەڭەستىك رەجيمدى قۇلاتقان تاريحي وقيعا. وكىنىشكە وراي، توتاليتارلىق جۇيە الاڭعا شىققان جاس جىگىتتەر مەن قىزداردىڭ تاعدىرىن بۇزدى. جەلتوقسان كوتەرىلىسى قازاقستان تاريحىندا ەرلىك جانە سونىمەن بىرگە قايعىلى وقيعا بولىپ قالا بەرەدى. سوندىقتان، بۇگىنگى تاستىڭ قالانۋى جانە بولاشاقتا ەسكەرتكىشتىڭ اشىلۋى وسكەلەڭ ۇرپاقتى تاربيەلەۋ ءۇشىن ەرەكشە ماڭىزعا يە جانە جەلتوقسانشىلاردىڭ ەرلىگىنە قۇرمەت بولادى»، – دەدى ۇلىقبەك ەسداۋلەت.

راسىمگە قاتىسۋشىلار «جەلتوقسان» ساياباعىنىڭ اۋماعىنا اعاش وتىرعىزدى. بولاشاقتا بۇل اۋماقتى كوگالداندىرا ءتۇسۋ جوسپارلانىپ وتىر. ءىس-شارا سوڭىندا شاقىرىلعان جەلتوقسان وقيعاسىنا قاتىسقانداردىڭ قۇرمەتى ءۇشىن ەلجاندى اندەر ورىنداعان ەسترادا جۇلدىزدارىنىڭ قاتىسۋىمەن كونتسەرت قويىلدى.

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار